Boks. So'nggi ikki «klasiko»da tomonlar bittadan g'alabaga erishishdi
/ Kiritdi: BestMaster O'qilgan: 86
Ammandagi boks bo'yicha Osiyo chempionatining eng og'ir ikki vazn toifasida ham O'zbekiston va Qozog'iston vakillari o'zaro to'qnash kelishdi.
92 kg.gacha bo'lgan vaznda Madiyar Saidrahimov qozog'istonlik bokschi Aybek Oralbayga qarshi ringga ko'tarilib, imkoniyatni boy berib qo'ydi — 0:5 (27:28, 27:28, 27:28, 26:29, 26:29). Shu tariqa, Madiyar qit'a chempionatida kumush medalga sazovor bo'ldi.
Eng og'ir vaznda (92+ kg.) Bahodir Jalolovning asosiy raqibi bo'lgan Qamshibek Qo'nqabaev o'zbekistonlik Lazizbek Mullojonov bilan to'qnash keldi. Hamyurtimiz barcha raundlarda raqibidan ustun keldi — 5:0 (29:28, 30:27, 29:28, 30:27, 29:28). Shu tariqa, Mullojonov Osiyo chempioni unvonini qo'lga kiritdi.
O'zbekiston erkaklar terma jamoasi Osiyo chempionatini 5 oltin, 2 kumush va 3 bronza bilan yakunladi.
Bosh sahifaga
141