Gakpo: "O'ylaymanki, mavsum yakunida yangi takliflarga tayyor bo'laman"
/ Kiritdi: BestMaster O'qilgan: 135
PSV hujumchisi Kodi Gakpo joriy mavsum oxirigacha Niderlandiya klubida qolishni rejalashtirayotganini aytdi.
"O'ylaymanki, joriy mavsum yakunida men yangi qadam tashlashga tayyor bo'laman. Nazarimda, mavsum boshidayoq bunga tayyor bo'lgandim. "Real Madrid", "Barselona", "Manchester Yunayted", "Manchester Siti" va "Liverpul" menga qiziqish bildirishdi. U jamoalardan birida o'ynash men uchun sharaf bo'lardi, lekin qaysi jamoa menga ko'proq mos kelishini ham tushunishim kerak", - dedi Gakpo.
Oldinroq "Manchester Yunayted" qishda 23 yoshli futbolchini 50 million evro evaziga sotib olishi mumkinligi haqida xabarlar tarqalgan edi. Shuningdek, Gakpo uchun asosiy da'vogar "Lids" hisoblanadi. Bitimning potentsial summasi 30 million funtga baholanmoqda.
Gakpo joriy mavsumda PSV safida 23 ta o'yinda maydonga tushib, 13 ta gol urdi va 17 ta golli uzatmani amalga oshirdi. Shartnoma 2026 yilning yoziga qadar mo'ljallangan.
Bosh sahifaga
135