"PSJ" Verratti bilan yangi shartnoma imzolashga yaqin turibdi
/ Kiritdi: BestMaster O'qilgan: 286
"PSJ" yarim himoyachisi Marko Verratti jamoa bilan shartnomasini 2026 yilgacha uzaytirishga yaqin turibdi, deb xabar beradi L'Equipe.
Manbaning xabariga ko'ra, tomonlar bir necha haftadan buyon dekabr oyida Fransiya chempionati qayta tiklanishigacha imzolanishi kerak bo'lgan yangi shartnomani muhokama qilishmoqda.
Parijlik sport direktori Luis Kampos shuningdek bir qancha futbolchilar - Serxio Ramos, Lionel Messi, Markinos va Presnel Kimpembe bilan ham muzokaralar olib bormoqda, ammo aynan italiyalik bilan shartnomani uzaytirish asosiy vazifa bo'lib turibdi.
Verrattining "PSJ" bilan amaldagi shartnomasi 2024 yilning iyunida yakuniga etadi.
Italiyalik yarim himoyachi 2012 yilda Parij klubiga o'tgan edi.
Bosh sahifaga
529