Indzagi: "O'tgan yozda klubga birinchi chaqirgan futbolchim Jeko edi"

"Inter" bosh murabbiyi Simone Indzagi "Atalanta"ga qarshi o'yindan so'ng hujumchi Edin Jekoni maqtadi.

Eslatib o'tamiz, Bergamoda 36 yoshli Jeko dublga erishgandi.

“O'tgan yili biz Romelu Lukakusiz ham o'ynagan edik. O'shanda men klubga chaqirgan birinchi futbolchi Edin Jeko edi. U o'tgan mavsumni juda yaxshi o'tkazdi. Jeko bilardiki, Lukaku qaytishi bilan u kamroq o'yin vaqtiga ega bo'ladi, ammo shunga qaramay, 36 yoshida u muntazam o'ynaydi va faqat yaxshilanadi", - dedi Indzagi Sky Sport nashriga.

2022/2023-yilgi mavsumda Edin Jeko “Inter” safida 21 ta o'yinda maydonga tushib, 9 ta gol urdi va 4 ta golli uzatmani amalga oshirdi.

Teglar: indzagi, otgan, yozda, klubga, birinchi, chaqirgan, futbolchim, jeko,
← OldingaOrqaga →