APL to'purarlari: "Oltin butsa" uchun kurashda kimlar etakchilik qilmoqda?

Premer-ligada intrigalar juda ko'p. Shulardan biri, shubhasiz, mavsum davomida eng ko'p gol urgan futbolchiga taqdim etiladigan "Oltin butsa" sovrinidir. Bunga erishish maqsadida APL hujumchilar qariyb 10 oy mobaynida tinmay harakat qilishlari kerak. Yaqin tarixda ushbu maqomga Muhammad Saloh, Son, Ronaldu, Keyn va Obameyang kabi yulduzlar erisha olgan. Xo'sh, yangi mavsumning bu frontida ishlar qanday ketmoqda?

Ko'pchilik bu yil ham "Liverpul" yulduzi Muhammad Salohning "Oltin butsa" uchun da'vogarlik qilishini taxmin qilgan edi. Ammo amalda bu ehtimol unchalik ham to'g'ri bo'lib chiqmadi. Saloh bu mavsumda katta raqobatga duch keldi. Hozir "Manchester Siti"ning yangi gol mashinasi bo'lgan Xoland, "Tottenxjm" yulduzi Xarri Keyn va Son, shuningdek, "Arsenal" hujumchisi Gabriel Jezuslar to'purarlik uchun asosiy nomzodlar sanaladi. "Liverpul" bu mavsumda Darvin Nunesni olib keldi. U ham "Oltin butsa"ga ega chiqishni istaydi. Xullas, nomzodlar talaygina. Ularning har biri jiddiy nomlar.

Demak, mavsumning ayni hozirgi qismiga kelib, to'purarlar jadvali quyidagicha ko'rinish oldi:

1. Erling Xoland ("Manchester Siti") - 18
2. Xarri Keyn ("Tottenxem") - 11
3. Ayvan Touni ("Brentford") - 10
4. Aleksandr Mitrovich ("Fulxem") - 9
5. Rodrigo Moreno ("Lids") - 9
6. Migel Almiron ("Nyukasl") - 8
7. Leandro Trossard ("Brayton") - 7
8. Roberto Firmino ("Liverpul") - 7
9. Fil Foden ("Manchester Siti") - 7
10. Jeyms Meddison ("Lester") - 7
11. Muhammad Saloh ("Liverpul") - 6
12. Martin Edegor ("Arsenal") - 6.

APLning o'tgan hafta bo'lib o'tgan bahslarida "Brentford" hujumchisi Touni "shaharliklar" darvozasiga 2 ta to'p kiritdi. Shuningdek, ro'yxatda nomlari keltirilgan Keyn, Moreno, Firmino, Foden va Meddisonlar ham bittadan gol urishga muvaffaq bo'lgan. Qolaversa, "Arsenal" Martin Edegorning dubli evaziga o'zining etakchiligini yanada mustahkamlagan ("Vulverxempton"ga qarshi).

O'tgan mavsum so'ngida Son va Saloh turnirning eng yaxshi to'purari maqomini olib, "Oltin butsa"ga erishgan. Taqdirlash marosimidan keyin Son shunday degandi:

"Jamoadagi har bir futbolchi meni qo'llab-quvvatlab turdi. Ular doimo menga ishonishini aytishadi. Men o'yinlarda qulay vaziyatlarni ko'kka sovurishim mumkindir. Lekin qiyin vaziyatlarni omadli yakunlayman. Bugungi sovrin yolg'iz mening emas, butun jamoaning sa'y-harakatlari sababli qo'lga kiritildi. Ularsiz hech narsa qila olmasdim. Jamoadoshlarimni juda ham qadrlayman. O'ylaymanki, bu hali hammasi emas".

ISMATOV J.

Teglar: topurarlari, oltin, butsa, uchun, kurashda, kimlar, etakchilik, qilmoqda?,
← OldingaOrqaga →