"MYu" afsonasi Garnacho haqida: "U Ronalduning yoshligiga o'xshaydi"
/ Kiritdi: BestMaster O'qilgan: 202
18 yosh bo'lishiga qaramay, "MYu"ning yosh, talantli futbolchisi Alexandro Garnacho o'zini yaxshi tomondan namoyish etdi. 2020 yilda "Atletiko"dan xarid qilingan yarim himoyachi, "qizil iblislar"ning yosh yulduziga aylanib ulgurdi. U 2021-22 yilgi mavsum yakunlariga ko'ra, yilning eng yaxshi yosh futbolchisi deb topilgan. Argentinalik kecha, "Fulxem"ga qarshi bahsda so'nggi daqiqalarda g'alaba goliga mualliflik qilgan edi. Quyida Garnacho haqida mashhur yulduzlar tomonidan aytilgan fikrlar bilan tanishamiz.
Brunu Fernandesh
"U yaxshi darajada. Ammo biz undan yanada ko'prog'ini kutamiz. Men Garnachoning mashg'ulotlardagi harakatlatiga qoyil qolaman. Mehnatlari sabab Garnacho o'z imkoniyatlariga ega bo'lmoqda va bunga haqli".
Pol Skoulz
"Men shunday yosh futbolchilarni ko'rsam, doimo quvonaman. Menimcha, unda gol sezish qobiliyati yaxshi shakllangan. Aleks raqib uchun haqiqiy xavf tug'dira oladigan futbolchiga aylanib bormoqda. Muxlislar uni yaxshi ko'radi. Men Garnachoni Ronalduning yoshligiga qiyoslagan bo'lardim".
Xaver Maskerano
"Alexandroda o'sish uchun hamma narsa bor. U katta potentsiyalga ega. Yaxshi tarbiyalansa, u Argeninaning ham kelajakdagi yuzi bo'lishga qodir bo'ladi".
Ralf Rangnik
"Men uning talantidan xabardor bo'lganim uchun ham, uni asosiy jamoa bilan mashg'ulotlarga taklif etdim. U o'zi tengi futbolchilardan ko'ra yaxshiroq harakat qiladi. Uning o'yinida futbolchiga kerakli hamma narsa bor. Agarda Alexandro har kuni yaxshilanishga harakat qilib borsa, tez orada katta marralarni zabt eta oladi".
Lisandro Martines
"U o'rganishni davom ettirishi kerak. Uning yoshida katta futbolchilar guruhi ichida bo'lish oson bo'lmaydi. Men unga har bir imkoniyatdan unumli foydalanish, eshitish, maslahat so'rash va albatta, mashg'ulotlarda faol bo'lishi kerakligini aytdim. O'ylaymanki, "MYu"dagi qadamlari uni yorqin kelajak sari boshlaydi. Hammasi uning o'ziga bog'liq. Futbolda harakatdan to'xtamaslik, muvaffaqiyat garovi bo'la oladi".
ISMATOV J.
Bosh sahifaga
226