"PSJ" "Tottenxem" hujumchisi uchun 80 million evro to'lamoqchi

"Tottenxem" hujumchisi Son Xyon Min faoliyatini "PSJ"da davom ettirishi mumkin. Parijliklar 30 yoshli futbolchining transferi uchun 80 million evro to'lashga tayyor. Sonning transferiga "PSJ" prezidenti Nosir Al-Xelayfi qiziqmoqda. U futbolchi bilan Qatardagi jahon chempionati vaqtida uchrashishni rejalashtirgan, deb xabar beradi El Nacional.

Nashrning yozishicha, hujumchi “Tottenxem” bilan 2025-yilda tugaydigan shartnomasini uzaytirmaydi.

Xabar qilinishicha, futbolchiga "Real" ham qiziqish bildirmoqda, ammo Madrid klubi hujumchi bilan shartnoma imzolay olmasa kerak.

Joriy mavsumda Son Xyon Min 19 ta o'yinda maydonga tushib, 5 ta gol urdi va 2 ta golga assistentlik qildi. Transfermarkt portali futbolchini 70 million evroga baholamoqda.

Teglar: tottenxem, hujumchisi, uchun, million, evro, tolamoqchi,
← OldingaOrqaga →