“Navbahor” va AGMKga OChL “pley-off”ida qaysi jamoalar raqiblik qiladi?

Xabaringiz bor, Superligasining 2022 yilgi mavsumi yakuniga etdi. Yakunlangan mavsumda mamlakatimiz jamoalariga Osiyo Chempionlar Ligasi (OChL)dan 2+2 kvotasi ajratilgandi, ya'ni, O'zbekiston chempioni va kubok sohibi OChL guruh bosqichiga to'g'ridan – to'g'ri yo'llanma olsa, yana 2 ta klub guruh bosqichi yo'llanmasini qo'lga kiritishi uchun “pley-off” bahslarida ishtirok etadi.

“Paxtakor” Superliga chempioni, “Nasaf” esa O'zbekiston kubogi sohibi sifatida OChL 2023/2024 yillar mavsumining guruh bosqichida ishtirok etadigan bo'ldi.

O'z tarixida ilk marta 2-o'rinni qo'lga kiritib, kumush medalga sazovor bo'lgan "Navbahor" esa OChLdagi debyut o'yinini saralash bosqichida Ummonning “Al-Sib” klubiga qarshi o'tkazadi. “Lochinlar” “Al-Sib”ni mag'lubiyatga uchratishsa, Qatarning to'rtinchi jamoasiga qarshi o'ynashadi.

Yakunlangan mavsumda 4-pog'onani band etgan AGMK ham o'z ishtirokini saralash bosqichidan boshlaydi. Olmaliqliklarga ilk bellashuvda Bangladeshning “Bashundara Kingz” jamoasi raqib bo'ladi. Mazkur juftlik g'olibi esa Qatarga boradi va mazkur mamlkatning 3-o'rinni olgan klubi bilan  o'ynaydi.

OChL “pley-off” bahslari kelasi yilning avgust oyida start oladi.

Bo'lajak o'yinlarda “Navbahor” va ushbu musobaqada yurtimiz sharafini himoya qiladigan barcha jamoalarga omad yor bo'lishini tilaymiz.

Teglar: “navbahor”, agmkga, ochl, “pley-off”ida, qaysi, jamoalar, raqiblik, qiladi?,
← OldingaOrqaga →