FIFA prezidenti JCh-2022 vaqtida Ukrainada o't ochishni to'xtatishga chaqirdi

FIFA prezidenti Janni Infantino G20 davlatlarini Ukrainadagi otishmalarni to'xtatishda yordam berishga chaqirdi.

"Rossiya futbol bo'yicha 2018 yilgi Jahon Chempionatini o'zida qabul qildi. Ukraina 2030 yilda chempionatga mezbonlik qilish istagida. Navbatdagi mundial tez orada boshlanadi.

Shu munosabat bilan sizlarga taklifim bor: o't ochishni to'xtatish haqida kelishib olish — mayli uzoq vaqtga bo'lmasa ham, bir oygina bo'lsa ham, chempionat o'tayotgan vaqtda.

Gumanitar yordam yo'laklarini tashkil qilishda yoki shunga o'xshash tomonlarni bosqichma-bosqich o'zaro muloqotga olib boradigan biror ishni amalga oshirishga ko'mak bering", — dedi Janni Infantino.

Infantino sammitga JCh—2022'ning rasmiy to'pini olib keldi va chiqishi so'ngida ishtirokchi mamlakatlar etakchilaridan unga imzo qo'yishni iltimos qildi.

Teglar: prezidenti, jch-2022, vaqtida, ukrainada, ochishni, toxtatishga, chaqirdi,
← OldingaOrqaga →