Argentina - Italiyaning rekordini takrorlashiga 1 o'yin qoldi. Oldinda Saudiya Arabistoni va Meksika bilan bahslar bor

Argentina mag'lubiyatsiz seriyasini uzaytirdi.

Lionel Skaloni shogirdlari o'rtoqlik o'yinida Birlashgan Arab Amirliklarini mag'lub etishdi – 5:0. Bu orqali Argentina o'zining mag'lubiyatsiz seriyasini 36 ta o'yinga etkazdi.

Rekord Italiya terma jamoasiga tegishli – 2018 yilning sentyabridan 2021 yilning oktyabrigacha bo'lgan davrda italyanlar 37 o'yinni mag'lubiyatsiz o'tkazgan.

22 noyabr kuni Janubiy Amerika terma jamoasi JCh-2022 guruh bosqichida Saudiya Arabistoniga qarshi bahs olib boradi. Shuningdek, ushbu bosqichda argentinaliklar Meksika (26 noyabr) va Polsha (30 noyabr) bilan uchrashadi.

Teglar: argentina, italiyaning, rekordini, takrorlashiga, oyin, qoldi, oldinda, saudiya, arabistoni, meksika, bilan, bahslar,
← OldingaOrqaga →