"Borussiya" hujumchisi Aller yana operatsiya qilinishini ma'lum qildi

Dortmundning “Borussiya” klubi hujumchisi Sebastyan Aller yana operatsiya qilinishini ma'lum qildi.

“Men uchun jang tugamaganini e'lon qilaman. Meni futbol maydonidan uzoqlashtiradigan bu o'simtani nihoyat tugatish uchun operatsiya qilinishim kerak. Ushbu sinovdan o'tib menga bergan qo'llab-quvvatlash xabarlari va kuch-quvvatingiz uchun barchangizga minnatdorchilik bildirmoqchiman", - deb yozdi Aller tvitterda.

28 yoshli futbolchi yozda 35 million evro evaziga "Ayaks"dan Dortmundning "Borussiya"siga o'tgan edi. Iyul oyida futbolchida saraton aniqlangan va operatsiya qilingan edi.

Teglar: borussiya, hujumchisi, aller, yana, operatsiya, qilinishini, malum, qildi,
← OldingaOrqaga →