Bobur Zuhriddinov: «Jismoniy holatimizdagi muammolar mag'lubiyatlarga sabab bo'ldi»

Pro liga 27-turidan o'rin olgan “Mash'al” – “Turon” (1:2) uchrashuvidan keyingi matbuot anjumanida mezbonlar murabbiyi Bobur Zuhriddinov ishtirok etdi.

O'yin haqida
— Avvalo “Turon”ni g'alaba bilan tabriklayman, ularning keyingi o'yiniga omad tilayman. O'yinni yaxshi boshlagandik. Ammo birinchi bo'lim oxirida o'tkazib yuborgan golimiz futbolchilarimiz ta'sir ko'rsatdi. Bu esa ikkinchi bo'limda bizga biroz qiyin bo'lishiga olib keldi. Ammo yigitlar oxirigacha kurashdik va harakat qilishdi. Buning uchun futbolchilarga minnatdorchilik bildiramiz. “Xorazm” bilan o'yinda ham barvaqt qizil olganimiz ham jamoaning jismoniy holatiga ta'sir qilgandi.

— “Mash'al”ning bu mavsumdagi natijalariga baho bersangiz...
— Jamoa har doim o'z oldiga yuqori maqsad qo'yadi. Bu yil, ayniqsa, ikkinchi davrada ko'p ochko yo'qotdik. Bunga nima sabab bo'lganiga ko'p omillarni ko'rsatish mumkin. Balki jismoniy holat yoki psixologik ta'sir qilgandir. Yana boshqa jihat bo'lgandir. Ammo buni mavsum yakunida o'rganib chiqamiz. Bu yil vazifani bajara olmadik. Buning uchun uzr so'raymiz. Yo'l qo'yilgan xatolarni kelgusi mavsumda takrorlamaslikka harakat qilamiz.

— Bu yil jamoa oldiga qanday maqsad qo'yilgandi?
— Superligaga chiqish vazifasi qo'yilgandi. Bu futbol. Unda hamma narsa ro'y beradi. Ba'zi jihatlar etishmadi deb aytib o'tdim. Asosan jismoniy holatimizda muammolar kuzatild. Ko'p mag'lubiyatlarga aynan shu jihat etishmasligi sabab bo'ldi deya olaman.

— Legionerlar haqida fikringiz?
— Dastlab ular yaxshi taassurot qoldirayotgandi. Negadir ikkinchi davraga kelib legionerlarda ham pasayish kuzatildi. Men buni moliyaviy jihatga bog'lamayman. Chunki bu borada katta muammo yo'q. Nazarimda, moslashib ketishda qiyinchilikka duch keldi.

— Kelgusi yilda ham jamoa legioner xizmatidan foydalanadimi?
— To'g'risi, bu savolga javob bera olmayman. Rahbariyat ko'rib chiqib, bir xulosaga keladi. Men shuni ayta olamanki, “Mash'al” kelasi yilda yanada kuchli bo'lib, vazifani bajarish uchun intiladi.

Teglar: bobur, zuhriddinov, «jismoniy, holatimizdagi, muammolar, maglubiyatlarga, sabab, boldi»,
← OldingaOrqaga →