«Bunyodkor» Umarali Rahmonalievning «Rubin»ga o'tayotganini e'lon qildi

O'zbek futboli uchun bir qator iste'dodlarni etishtirib bergan “Bunyodkor” akademiyasi yana bir “qaldirg'ochni” “uchirma” qildi.

2015 yil, 12 yoshida “Bunyodkor” akademiyasiga qabul qilingan Umarali Rahmonaliev faoliyatini Evropada davom ettiradi. Qozonning “Rubin” klubi bilan shartnoma imzolagan tarbiyalanuvchimiz ortda qolgan etti yil davomida Alisher Ibrohimov, Furqat Samegov, Temur Boboxonov, Murod Otajonov, Rinat Miftaxutdinov, Viktor Karpenko, Abduhamid Qodirov, Shuhrat Maqsudov hamda Ivan Boshkovich kabi murabbiylar qo'l ostida to'p surdi va katta tajriba to'pladi.

“Bunyodkor” futbol klubi Tatariston jamoasi bilan ikki yarim yillik shartnomaga imzo chekkan Umarali Rahmonalievga katta futboldagi faoliyatiga omad va zafarlar tilab qoladi!

Teglar: «bunyodkor», umarali, rahmonalievning, «rubin»ga, otayotganini, elon, qildi,
← OldingaOrqaga →