Luis Suares Braziliya klubidan kelgan taklifni rad etdi
/ Kiritdi: BestMaster O'qilgan: 84
Italiyalik jurnalist Fabritsio Romanoning xabar berishicha, erkin agent maqomida bo'lgan urugvaylik hujumchi Luis Suares Braziliyaning "Gremio" klubi bilan shartnoma imzolashdan bosh tortdi.
35 yoshli hujumchi Evropaga qaytish haqida o'ylamoqda. Futbolchining xizmatlariga "Sevilya" qiziqish bildirmoqda.
Avvalroq Suares "Ayaks", "Liverpul", "Barselona" va "Atletiko Madrid" kabi klublarda to'p surgan. So'nggi oylarda u "Nasonal Urugvay" jamoasida o'ynadi va shu yilning iyul oyida u bilan qisqa muddatli shartnoma imzoladi.
Suares joriy mavsum “Nasonal” safida 16 ta o'yinda maydonga tushib, 8 ta gol urdi va 3 ta golli uzatmani amalga oshirdi. Jamoa bilan birgalikda Urugvay chempionligini qo'lga kiritdi. Transfermarkt portaliga ko'ra futbolchining narxi 4 million evroga baholanmoqda.
Bosh sahifaga
180