Ronaldu: «Agar JCh-2022 finalida Argentinani mag'lub etsak, futbolchilik faoliyatimni darhol yakunlayman. 100 foiz»

"Manchester Yunayted" hujumchisi Krishtianu Ronaldu "The Sun" nashriga bergan intervyusida Lionel Messi haqidagi savollarga ham javob berdi.

– JCh-2022 finalida Portugaliya va Argentina terma jamoalari to'qnash kelish g'oyasiga fikringiz qanday? Siz 2ta, Messi 2ta gol uradi va 94-daqiqada siz uchinchi golni urib, musobaqa g'olibiga aylanasiz. Shunday orzu bormi?
– Bu orzu qilish uchun ham haddan tashqari yaxshi g'oya. Golni boshqa o'yinchi, hattoki darvozabon ursa ham, men dunyodagi eng baxtli inson bo'laman. Agar siz aytgan voqea yuz bersa, men futbolchilik faoliyatimni darhol yakunlayman. Yuz foiz.

Messi haqida faqat iliq fikrlarni bildirishim mumkin. U barchasini futbol uchun qilmoqda.

– O'zingizni hisobga olmaganda, Messi siz ko'rgan futbolchilar orasida eng yaxshisimi?
– O'Ylashimcha, ha. U, Zidan... Menga qarshi o'ynagan futbolchilar orasida, u eng yaxshisi.

– U bilan birga kechki ovqatni tanovvul qilganmisiz?
– Hech qachon.

– Buni istarmidingiz?
– Nima uchun yo'q? Men insonlar bilan uchrashishni, g'oyalar bilan o'rtoqlashishni, qandaydir yangilikdan xabardor bo'lishni yaxshi ko'raman. Buni bajonudil qilgan bo'lardim.

Teglar: ronaldu, «agar, jch-2022, finalida, argentinani, maglub, etsak, futbolchilik, faoliyatimni, darhol, yakunlayman, foiz»,
← OldingaOrqaga →