«MYu» Ronaldu bilan shartnomani bekor qilish ustida ishlamoqda

«Manchester Yunayted» klubi rahbariyati hujumchi Krishtianu Ronaldu bilan shartnomani bekor qilmoqchi. Portugaliyalik futbolchining "The Sun" nashriga bergan intervyusida klub sha'niga aytgan so'zlari tufayli jamoa shunday qarorga kelgan.

"The Athletic" nashri yozishicha, «MYu» Ronalduga nisbatan huquqiy jazolar qo'llamoqchi. Boisi, Krishtianu mazkur intervyu tufayli shartnomaning ayrim bandlarini buzgan. Shu tufayli jamoa shartnomani bir tomonlama bekor qilmoqchi. Ronaldu Mundialdan so'ng klubga qaytishini mankunianliklar istashmayapti.

"Daily Mail" yozishicha esa, «Yunayted» futbochliga tovon puli (mavsum oxirigacha futbolchi olishi kerak bo'lgan summa — 16 mln funt) to'lamoqchi emas. Ronalduning klubga qaytishini bosh murabbiy Erik ten Xag va o'yinchilar ham istashmayapti.

Teglar: «myu», ronaldu, bilan, shartnomani, bekor, qilish, ustida, ishlamoqda,
← OldingaOrqaga →