Ouen: "Angliyada «Oltin to'p»ni qo'lga kirita oladigan futbolchi bo'lsa, bu Foden"

"Liverpul" va "Real" klublarining sobiq hujumchisi Maykl Ouen "Manchester Siti" yarim himoyachisi Fil Fodenning istiqboliga baho berdi.

“Men Filning iqtidoriga muxlislik qilaman. Bu aql bovar qilmaydigan futbolchi. Agar Angliyada «Oltin to'p»ni qo'lga kirita oladigan futbolchi bo'lsa, bu Foden", - deya Ouenning so'zlarini keltiradi PFA matbuot xizmati.

Joriy mavsumda 22 yoshli angliyalik futbolchi “shaharliklar” safida barcha musobaqalarda 20 ta o'yinda maydonga tushib, 8 ta gol urdi va 3 ta golli uzatmani amalga oshirdi.

Transfermarkt portaliga ko'ra, futbolchining transfer qiymati 110 million evroga baholanmoqda. "Manchester Siti" bilan amaldagi kelishuv 2027 yilning yoziga qadar mo'ljallangan.

Teglar: angliyada, «oltin, top»ni, qolga, kirita, oladigan, futbolchi, bolsa, foden,
← OldingaOrqaga →