Manba: "PSJ" Ronalduga bo'lgan qiziqishini yo'qotmagan

"Manchester Yunayted" hujumchisi Krishtianu Ronaldu hamon "PSJ" qiziqishlari doirasida, deya xabar beradi jurnalist Florian Plettenberg o'zining Twitter sahifasida.

Parijliklar qishda portugaliyalikning transferini amalga oshirishga qiziqish bildirishmoqda, biroq "PSJ" maslahatchisi Luis Kampush tarkibni yoshartirmoqchi bo'lgani uchun ehtimoliy transferdan xavotirda.

Manbaga ko'ra, Ronalduning Lissabon "Sporting" klubiga o'tishi ehtimoli ham bor. Biroq bu transfer "MYu"ning pozitsiyasi va qaroriga bog'liq.

Oldinroq Krishtianu Ronaldu Pirs Morganga bergan intervyusida chog'ida bir qancha shov-shuvli bayonotlar bilan chiqqan, shundan so'ng ingliz klubi portugaliyalik yulduz bilan hamkorlikni to'xtatish istagi borligi haqida mish-mishlar tarqalgan edi.

Teglar: manba, ronalduga, bolgan, qiziqishini, yoqotmagan,
← OldingaOrqaga →