"MYu", "Yuventus" va "Tottenxem" janubiy koreyalik futbolchisiga qiziqish bildirmoqda

“Napoli”ning janubiy koreyalik himoyachisi Kim Min Chje Evropaning bir qancha top-klublari qiziqish doirasiga tushib qoldi. Bu haqda insayder Akram Konur o'zining ijtimoiy tarmoqlarida xabar berdi.

Jurnalistning fikricha, koreyalik futbolchini Turinning "Yuventus", Londonning "Tottenxem" va "Manchester Yunayted" klublari o'z safiga qo'shib olmoqchi. Shu bilan birga, neapolliklar uning transferi bo'yicha takliflarni yanvar oyida ko'rib chiqishni rejalashtirmayapti.

26 yoshli futbolchi yozgi transfer oynasida "Napoli"ga o'tdi. U bilan uch yillik shartnoma tuzildi. Kimning transfer narxi 35 million evroga baholanmoqda.

Teglar: yuventus, tottenxem, janubiy, koreyalik, futbolchisiga, qiziqish, bildirmoqda,
← OldingaOrqaga →