- O'yin haqida
Mavsum oxirida yoqimsiz holat bo'ldi. Bu biz uchun hech nimani hal qilmaydigan o'yin edi. Jamoani uchrashuvga tayyorlash ham oson bo'lgani yo'q. Tarkibimizdagi yarim futbolchilar diskvalifikaciya qilingan. Buning ustiga betoblar ham ko'p edi.
Bahsda asosan zaxira futbolchilari va uch nafari asosiy tarkibdagilar edi, qolganlar kam o'yin o'tkazgan va yoshlar jamoasidan taklif etilishgan. Tabiiyki, natija shunga yarasha bo'ldi. "Turon" yaxshi jamoa. Bizning ikkinchi tarkibimiz bilan engil harakatlandi.
- Yirik hisobdagi mag'lubiyatni kutmaganmidingiz?
- Aytyapman-ku, kutilmagan holat bo'ldi. Asosiy tarkibdan uch nafari va qolganlari yoshlar edi. O'yin amaliyoti kam bo'lgan yosh futbolchilar chiqib o'z mahoratlarini ko'rsatishi kerak edi. Kimdadir o'xshadi, kimdadir yo'q.
- Kelasi mavsum uchun qanday rejalar bor? Tarkib o'zgaradimi?
- Menda hech qanday reja yo'q. Boshqalar hal qiladi. SHartnoma taklif qilishmadi, og'zaki aytishdi. Hozircha uyga ketaman, nima bo'lishini keyin ko'ramiz.
Bosh sahifaga
267