Jamoa Pro liga 28-turida "Xorazm" klubi bilan 2:2 hisobida durang qayd etdi. "Turon" esa "Andijon"dan ustun keldi (4:0). Ikki jamoa ochkolari tenglashgan bo'lsa-da, o'zaro o'yinlarga ko'ra, buxoroliklar Superliga yo'llanmasiga erishishdi. "Xorazm" bilan bahsdan keyin "Buxoro" posboni Nikola Stoshich fikrlari bilan o'rtoqlashdi.
"Xorazm"da o'ynash qiyin bo'ldi. Maydon holati o'yinga ham o'z tasirini o'tkazdi. Lekin shunga qaramay, jamoamiz g'alaba uchun maydonga chiqqandi. O'zimiz istaganchalik o'ynay olmagan bo'lsak-da, vazifa uchun kerakli natijani qayd eta oldik.
Og'ir mavsum o'tkazdik. Birorta oddiy bahs bo'lgani yo'q. Birinchi davradan keyin "Turon"dan 10 ochko ortda edik. Jamoamizning maqsadi esa unga etib olish va Superligaga chiqish hisoblanardi. O'ylagan rejalarimiz amalga oshdi va hammasi so'nggi turda hal bo'ldi. Asosiysi, jamoamiz bilan hamjihatlik va birdamlikda ko'zlangan maqsad sari intildik va bunga haqli ravishda erishdik. Bir so'z bilan aytganda, "Buxoro" jamoasi muxlislarini ushbu muvaffaqiyat bilan tabriklayman.
Jamoadagi kelajagimni bilmayman. Ushbu jamoada o'ynashdan mamnunman va faoliyatimni shu erda davom ettirishni istayman, biroq bu menga bog'liq emas. Kelajagim borasida rahbariyat bilan gaplashgan maqul", – deb so'zini yakunladi Stoshich.
Bosh sahifaga
335