- O'yin haqida nima deya olasan?
- Ikki jamoa ham natijadan mamnun, menimcha. O'yin zerikarli bo'ldi, gollar bo'lmadi deyishingiz mumkin, ammo o'yin qiziqarli bo'ldi. Ikki jamoada ham imkoniyatlar bo'ldi. 0:0 - o'yin uchun adolatli natija deb o'ylayman.
- Keyingi ikki o'yin sen uchun qanchalik muhim?
- Har bir o'yin biz uchun juda muhim.
- Bugun niqob taqib olganding, o'zingi qanday his qilyapsan?
- Albatta, men o'zimni yaxshi his qilmoqdaman. Maydonda niqob taqib olgan yagona futbolchi emasman. Ko'p futbolchilar shunday qilishmoqda va bu kim uchundir qulay. Men Jahon chempionatida ekanligimdan baxtliman va niqob bilan bo'lsa ham o'ynay olayotganimdan xursandman.
- Xarri Keyn oyog'idan jarohat olgandi. U bilan gaplashdingmi yoki hali ko'rishmadingmi?
- Biz yaqin do'stlarmiz, ammo bu malumotni ayta olmayman. Albatta, u dunyodagi eng yaxshi hujumchilardan. Unga eng yaxshi tilaklarni tilab qolaman.
- Guruh bosqichida Ronalduga qarshi maydonga tushasan...
- Ronaldu hali ham men uchun qahramon va bu narsa hech qachon o'zgarmaydi. Keyingi raqib Gana va bu juda muhim o'yin. Men va umuman butun jamoa hozirda Ganaga qarshi uchrashuvga bor etiborimizni qaratishimiz kerak. Bugungi o'yin juda og'ir bo'ldi. Urugvay ham juda kuchli qarshilik ko'rsatdi. Biz ham uch ochko olishimiz mumkin edi. Biroq 0:0 adolatli natija bo'ldi. Hammamiz ham xato qilamiz. Bugungi o'yin allaqachon ortda qoldi. Biz keyingi o'yinga etibor qaratishimiz kerak.
- Xvan Ui Jo foydalana olmagan vaziyat haqida gapirsang...
- Barchamiz insonmiz, xato qilamiz. Ui Jo jamoamizdagi eng kuchli hujumchi. Vaqti kelsa, men ham vaziyatlardan foydalana olmayman. Ui Joning o'zi hozir bundan eng ko'p afsuslanyapti. Bu futbol. Biz sovuqqonroq bo'lishimiz kerak. Jamoadoshim harakat qilmoqda, u haqida nojo'ya gap gapira olmayman.
Bosh sahifaga
307