JCH-2022. Xorvatiya Kanada ustidan irodali g'alabaga erishgan holda o'z guruhida etakchiga aylandi, shimoliy amerikaliklar esa turnir bilan xayrlashishdi

81. Qatardan Tolibjon Qosimovning malum qilishicha, stadionda bugungi o'yinga 44374 muxlis tashrif buyurgani elon qilindi.

78. Boryandan ikkita seyv. Kanadaliklar posboni jamoasini muqarrar gollardan saqlab qoldi. Xorvatiya tarkibida zarbalarga Perishich va Brozovich mualliflik qilishdi.

73. Kanadada esa ikki o'zgarish: Xatchinson o'z o'rnini Adekugbega, David esa Kavalliniga bo'shatib berdi.

73. Xorvatiyada o'zgarish: dubl muallifi Kramarich o'z o'rnini Vlashichga bo'shatib berdi.

70. GOOOOL!! Perishichning qanotdan jarima maydonchasi ichiga uzatgan to'pini Kramarich raqib darvozasiga yo'lladi. Bu vaziyatda kanadalik o'yinchilar juda bo'sh harakat qilishdi.

68. O'yin tempi keskin pasaydi, jamoalardan "uyg'onish"larini kutib qolamiz.

– Tolibjon Qosimovdan navbatdagi suratlar. Ko'proq suratlarning Championat.Asia'ning telegram kanalida ko'rishingiz mumkin.

63. Alfonso Devis jarima zarbasida o'zini sinab ko'rdi, ammo uning yo'llagan zarbasi jonli devorga tegib qaytdi.

62. Navbat Kanadaga: Xoylett Lareyyani almashtirdi.

60. Xorvatiyada o'zgarish: Livaya maydonni tark etdi, Petkovich uni almashtirdi.

56. Lovren sariq kartochka olmoqda, ham kechikib bo'lsa ham himoyachini jazoladi.

56. Ajoyib seyv ko'rsatish vaqti xorvatiyaliklar posboni Livakovichga keldi. U Devidning zarbasini chiroyli tarzda qaytardi.

54. Xorvatiya uchinchi golga juda yaqin keldi, ammo Boryanning ajoyib seyvi kanadaliklarni goldan saqlab qoldi.

52. O'yindan dastlabki sariq kartochka Kanada termasi o'yinchisi Byukenenga ko'rsatildi.

49. Osoroi! Zaxiradan maydonga tushgan futbolchi jarima maydonchasi tashqarisidan juda xavfli zarba berdi, ammo uning zarbasi darvoza ustuni yonidan o'tib ketdi.

46. Ikkinchi taymga start berildi!

– Ikkinchi taym oldidan Kanadada o'zgarish: Osorio va Kone maydonga tushdi, ular mos ravishda Larin va Eushtakiuni almashtirishdi.

– Ushbu o'yinda saytimiz fotografi Tolibjon Qosimov ishlamoqda, bu esa uning ijod namunalaridan bir nechtasi.

TANAFFUS

45+3. Xorvatiya o'yinni ancha kuchaytirdi, jamoa uchinchi golga qarab oshiqmoqda.

45. Birinchi bo'limga 5 daqiqa vaqt qo'shib berildi.

44. GOOOOOOOL!!! Livayadan ajoyib gol. Uning jarima maydonchasi tashqarisidan yo'llagan zarbasi raqib darvozasidan o'rin oldi!

40. Eushtakiu jarohat olganga o'xshaydi. U maydonda yotibdi va shifokorlarni kutmoqda.

36. Kramarich! Xorvatiyaning pozicion hujumi bilan gol bilan yakunlanmoqda! Hujumchi Perishichning ajoyib pasidan so'ng darvozaga yaqin joydan uzoq burchakni mo'ljalga oldi.

35. Livaya! Xorvatiyalik o'yinchining jarima maydonchasi ichidan bergan kuchli zarbasini Livakovich qiyinchilik bilan bartaraf etdi. Xorvatlar hujumlarni ancha kuchaytirishdi.

26. GOOOOL! Yo'q, Kramarichning ajoyib goli o'yindan tashqari holat sabab bekor qilindi.

22. Livaya hisobni tenglashtirishi mumkin. Hujumchi darvozabon qarshisida juda noqulay kelgan to'pni oyog'ini qo'yishga ulgurdi. Ammo, uning zarbasi oddiy chiqdi va Livakovich osonlik bilan to'pni egallab oldi.

21. Yuranovichning oddiy joyda to'p yo'qotishi qimmatga tushishi mumkin edi. Xorvatlar baxtiga "Bavariya" o'yinchisi hujumni keskinlashtirish chog'ida sherigiga pas bera olmadi.

18. Hozircha o'yinda faqatgina bitta zarba ko'rdik va o'sha ham golga aylandi. Ikki jamoa ham, ayniqsa Xorvatiya jonlanishi kerak.

13. Xorvatiya hujumlarni biroz kuchaytirdi. Ammo, hozircha Dalich shogirdlari shimoliy amerikaliklarning goliga reakciya qila olishmayapti.

9. Devis Larinni darvozabon bilan birga-bir vaziyatga chiqarib yubordi, ammo hakam kech bo'lsada o'yindan tashqari holatni qayd etdi.

6. Darhaqiqat! Bu Kanadaning Jahon chempionati tarixidagi ilk goli!

2. GOOOOOOOL!!! Alfonso Devis hisobni ochmoqda. U qanotdan jarima maydonchasi ichiga tashlab berilgan to'pni boshi bilan raqib darvozasiga joylab qo'ydi!

1. O'yin boshlandi!

– Davlatlar madhiyalari yangramoqda.

– Barchaga salom! Bugun sizlar bilan JCH-2022 "F" guruhi 2-tur doirasidagi Xorvatiya – Kanada o'yinini birgalikda kuzatib boramiz.