Kuni kecha "F" guruhida 2-tur bahslari bo'lib o'tdi va Belgiya Marokash uchrashuvida kichik sensaciya qayd etildi, Marokash terma jamoasi Belgiyani 2:0 hisobida mag'lub etdi.
Uchrashuvdan so'ng Belgiya poytaxti Bryussel markazida ommaviy tartibsizliklar sodir bo'lgan.
150 ga yaqin futbol muxlisi terma jamoasining mag'lubiyatidan so'ng shahar markaziga yo'l oladi va tartibsizliklar sodir etadi. Ular shahar markazida axlat qutilarini yoqishgan, avtomobillarga zarar etkazishgan va do'konlarni o'marishgan. Futbol muxlislarining bunday tajovuzkor harakatlari policiya etiborini tortgan, shundan so'ng policiyachilar shahar markazidagi janubiy vokzal ko'chalarini o'rab olishadi, lekin tartibsizlikni keltirib chiqargan muxlislar policiyachilarga ham qarshilik ko'rsatishadi. Bu harakatlarga javoban policiya vodomyot va ko'zni yoshlantiruvchi gazni ishlatishga majbur bo'ladi.
SHahardagi tartibsizliklar sabab bir necha metro bekatlari ham vaqtinchalik yopildi.
Policiya bergan xabarga ko'ra, tartibsizliklarda qatnashgan 10 nafar shaxs qo'lga olingan.
"Bugun esa Antverpen va Lej shaharlarida ham tartibsizliklar sodir bo'ldi", – deya habar bermoqda mahalliy OAV.
Eslatib o'tamiz, Belgiya terma jamoasi 2-turdan so'ng bor-yo'g'i 3 ochko jamg'argan holda guruhda 3-o'rinni egallab turibdi. Belgiya so'nggi turda qiyin raqib Xorvatiyaga qarshi maydonga tushadi.
Abdulvosit tayyorladi
Bosh sahifaga
129