"Lokomotiv" klubi sobiq yarim himoyachisi Kaxi Maxaradze O'FA Etika qo'mitasi yig'ilishining qaroriga ko'ra, Intizom kodeksining tegishli bandlari bo'yicha aybdor deb topilib, unga nisbatan futbol bilan bog'liq faoliyatning barcha turlaridan 5 yil muddatga chetlatilib, yuz million so'm miqdorida jarima jazosi tayinlangan edi.
Futbolchi championat.asia sayti ofisiga tashrif buyurdi va intervyu berdi.
- Asalomu aleykum Kaxi, qisqacha qilib nima sodir bo'lganini aytib bergansiz?
- Nima sodir bo'lganini hamma bildi, meni kelishilgan o'yinlarda ayblashayapti, lekin hali hech nimani isbotlashmadi, hozirgi vaqtda surishtiruv ishlari davom etayapti, oxirida nima bo'lishini kutamiz.
- Diskvalifikaciya paytida siz bilan futbol uyushmasidan kimdur aloqaga chiqdimi?
- Yo'q, men bilan hech kim aloqaga chiqmadi.
- Sizning diskvalifikaciyangiz boshlaganidan keyin 2-3 oy vaqt o'tdi nega aynan hozir bunday intervyu berishga qaror qildingiz?
- To'g'risini aytsam menga alam qilyapti, 15 yildan buyon O'zbekistonda o'ynayman bu erda ko'p ish qilishga ulgurdim, bu er menga ikkinchi vatandek bo'lib qolgan va hozircha hech kim menga yordam bergisi, bu ishni oxirigacha tekshirishni xohlamayapti. SHu sabab men bu erga kelib o'z fikrimni, o'z haqiqatimni aytgani keldim.
- Bizning saytimizga do'stingiz Kvesiashvili intervyu bergan edi, Siz u bilan qanday tanishib qolgansiz?
- Agar bilsangiz u bu erda 8 yil o'ynagan, biz gruzinlar bu erda bu yaqin bo'lib qolgan edik, o'zingiz tushunasiz do'stlik katta narsa, do'stlar bir birini sotmaydi, bir vaqtda u noto'g'ri ish qilgan, suratimni ko'rsatishgan yonida qandaydir xitoylik bor emish, yonimda oilam ham bor ekan, yana ingliz tilida gaplashayotgan ekanman. Men hatto ingliz tilida na yozishni va na gapirishni bilmayman, rus tilida yoza olmayman hatto, ha gaplasha olaman, lekin 10 yildirki rus tilini o'rganayapman va hozirgi kungacha ham rus tilida muammolarga duch kelaman.
U yozib berdiku men hech nimada qatnashmaganimni va to'g'risi u haqiqatni yozgan, lekin unga hech kim intervyu berishini so'ramagan, nega unday qilganini bilmayman to'g'risi.
- U aytganidek u sizni "chat"ga qo'shgan ekan, xitoylikka futbolchi do'sti borligini isbotlash uchun?
- Ha bu oddiy holat, tushunasizmi ular hatto sizga ham pul tikishi mumkin: kompyuter, telefon orqali. U menga qo'ng'iroq qildi va men ular bilan bog'landim hamda uchinchi inson ham qo'shildi, uni tanimasdim va men undan so'radim "Kim bu" - deb, u "Yaponiyalik SHibamura, biz birga o'ynaganmiz" - dedi. Keyin esa ular men shunday o'yinlarda ishtirok etishim kerakligini aytdi, lekin bu narsa ularning qo'lidan kelmadi va shu sabab ular meni aybdor qilib qo'yishdi va shu sabab ular hozir pul yutqazishganini aytayotgandir, ular bilishgan men kelishilgan o'yinlarda ishtirok etmasligimni, bu erda bitta inson emas bu erda bir guruh insonlar bor, men bu narsa oxirigacha etib borishini taminlayman va haqiqatning tagiga etaman.
Men kim kimni edirib ketganini aniqlayman, mening sevimli mashg'ulotim futbol. Men ham o'zimni oppoq inson demayman, lekin men hech kachon bunday o'yinlarda ishtirok etmayman, bu narsani isbotlab ham beraman balkim menga bunday taklif bilan chiqishgandir lekin men hech qachon bunday ishlarda qatnashmaganman, 21 asrda video, rasmlar hamma isboti bor, odamlar ko'rib o'zlari bilishsin men nima qilgan ekanman, men hech nimadan qo'rqmayman.
- Boshida sizga yarim yillik diskvalifikaciya berilgan edi, keyin sizga katta diskvalifikaciya berishdi?
- Ha, federaciyadagilar menga aytishgandi, agar senga chiqishayotganini o'sha paytda xabar berganingda 6 oy diskvalifikaciya berishardi deb aytishgandi. Bizning shartnomalarda ham bunday punkt bor, agarda kimdir shunday taklif bilan chiqsa O'FAga habar berish kerak. Men yosh bola emasman axir 35ga kirdim, O'FAga borib aytib aytishni xohlamadim, lekin boshqalar borib buni aytishdi.
- "Lokomotiv"dan qay tarzda ketdingiz, jamoadan ketishingiz haqida qanday xabar berishdi?
- Menga shartnoma qog'ozini jo'natishdi, qo'l qo'y deb, ikkinchi kundayoq menga kelishuvni bekor qilish uchun shartnomani jo'natishdi, hatto jamoani meni qo'llab quvvatlamadi, bilmadim ular mendan nima xohlashgandi lekin ular meni qo'llab-quvvatlashsa bo'lar edi, jamoa sardori sifatida, legioner sifatida lekin ular bunday qilishmadi.
- Yani hozir "Lokomotiv"dan hech kim bilan aloqada emassiz?
- Yo'q, hech kim bilan aloqada emasman 2-3 yigitlardan tashqari, ular telefon qilib hol ahvol so'rab turishadi.
- Siz klubning shaxsiy chatida yigitlarga hammasini tushunturmadingizmi, yigitlar menda ayb yo'q deb?
- Yigitlar hammasini o'zi biladi, ular tushunib turibdi mening aybim yo'qligini. Natijalarga qarang bu ishlardan so'ng jamoa qanday natijalarga erishayapti, agar men o'ynayotgan paytda jamoa teparoqda edi. Hozir esa jamoa hatto "Dinamo" va "Surxon"ni ham yuta olmayapti.
- Ko'plar siz olgan qizil kartochkani shubha ostiga qo'ymoqda?
- O'FA o'sha kartochkaga hech qanday "stavka" qo'yilmaganini isbotladi. AGMK va "So'g'diyona" bilan o'yinlarni shubha qilishayotgandi lekin O'FA hech qanday "stavka" bo'lmaganini "etika" qo'mitasida isbotlab berishdi.
- Futbolchilardan kim sizni qo'llab-quvvatladi?
- Eski jamoadoshlarim menga qo'ng'iroq qilib qo'llab-quvvatlashdi, hamma tushunib turibdi men bunday qilmaganimni.
- "Lokomotiv"ning bunday yomon natijalariga nima sabab deb o'ylaysiz?
- To'g'risini aytsam afsusdaman, mening O'zbekistondagi eng sevimli jamoam bunday natijalar ko'rsatayotganidan. Men bu ishlardan keyin jamoaga borib meni qaytarishlarini so'rashim mumkin edi, lekin endi kech ular meni jamoadan ketkazishni xohlashayotgan edi va ular ikkinchi kundayoq meni ketkazishdi.
- Fikringizcha nega sizni jamoadan ketkazishdi?
- To'g'risini aytsam bilmayman, buni hammasini surishtirib tagiga etish kerak. Jamoa menga qarshi nega bunday ishlar qilganini ham tushuna olmayapman.
- Sizda qandaydir shubhalar bormi shunday o'yinlarda ishtirok etgan jamoalar bo'yicha?
- Hech qaysi bir jamoaga shubham yo'q, shubha bo'lsa dangal aytish kerak. Men boshidan aytganman "Lokomotiv"da bo'nday maqsadlar yo'qligini.
- Siz qachondir o'sha shaxslarning ismi oshkor bo'lishini aytdingiz?
- Albatta qachondir bu ishlarning hammasi oshkor bo'ladi. Men O'zbekiston chempionatida 15 yildan beri shu erdaman, ko'p narsalarni ko'rdim, hozir meni qanchadir pul miqdori bo'yicha ayblashayapti, u pul miqdoriga qo'lni kir qilishga ham arzimaydi, bir vaqtlarda mening uyimga naqd 1 million dollar olib kelishgan, men bir so'miga ham tegmaganman va ko'p insonlar buni bilishadi.
- Bu qachon sodir bo'lgan?
- 4-5 yil oldin.
- Siz rozi bo'lmadingiz tug'rimi?
- Men rozi bo'lmadim va jamoaga borib aytdim, agar taklif qilishsa rozi bo'lmanglar deb.
- Yani bunday holatlar oldin ham bo'lgan?
- Ha, futbolda har doim bunday ishlar bo'lgan.
- Hozirgi rejalaringiz qanday?
- To'g'risini aytsam meni O'zbekistonda bunday qoralab qo'yishlarini xohlamayman. Men 35ga kirdim va bu erda qolib yashamoqchi edim. Men bunday holatda futbolchilik faoliyatimni tugatishni xohlamasdim va vada bera olamanki hali futbol o'ynayman. Hozir Jismoniy tarbiya universitetida o'qiyman.
- O'sha xatni qim tarqatganini bilasizmi?
- Bilmayman, men Qarshidan poezdda qaytayotgan edim kubok uchrashuvidan keyin, kechasi qaytganimdan so'ng O'FAga chaqirishdi va aytsang senga yordam beramiz deyishdi.
- Qarshidagi o'yin rejasi bo'zilgani uchun xat tarqatilgan degan taxminlar ham bor?
- Ha, yana jurnalistlar xabariga ko'ra men 100 ming dollar pul olib va u ishni qilmabman, bu yuz foiz yolg'on.
- Isboti ham yo'qku axir siz pul olganingizni?
- Umuman bunday holat bo'lmadi, men bunday narsaga qarshiman ular o'zlari pul tikishgan va o'zlari yutqazishgan.
- Hozir faqat universitetda o'qiyapsizmi?
- Ha, hozircha faqat o'qiyapman.
- Hamma licenziyalaringiz to'xtatildimi?
- Barcha licenziyalarim to'xtatildi, futbolchilik faoliyatim ham.
- Hozirda bu ishlarni hal qilish uchun advokatlar bilan ishlayapsizmi?
- Ha, advokatlar bilan ishlayapman.
- O'FA bilan birgami?
- Yo'q, O'FA bilan emas. Men advokat bilan gaplashdim va ular mening ishim bilan shug'ullanishga rozi, advokatlar mahalliy emas chet eldan.
- Sizning diskvalifikaciyangiz faqat O'zbekiston hududi uchunmi?
- Bilmayman to'g'risi, men hatto qaror chiqqan vaqti uyda edim do'stlarim menga SMS qilib qarorni jo'natishdi.
- Siz apellyaciya bermoqchimisiz?
- Ha, apellyaciya berib bo'ldim O'FAga va ular menga dekabrda javobni aytishadi.
- Kattaroq tashkilotlarga apellyaciya bermadingizmi, masalan CAS?
- Hozircha yo'q, menga aytishdi lekin men hali bunday qilgim kelmayapti, men o'zim kimdir jabr ko'rishini xohlamayman. Sud, isbotlash ishlari bunday ishlarni qilgim kelmayapti chunki bu davlat menga begona emas. O'zingiz bilasiz agar men rostdan ham aybdor bo'lganimda meni ko'mib qo'yishar edi. Agarda men o'yinlarni sotganimda jamoa 6-7-o'rinlarda bo'lmas edi, hozir esa hammasi teskari siz jurnalistlar ham hammasini ko'rib turibsiz.
- Siz "Lokomotiv"dan xafa ekanligingiz bilinib turibdi va sizni ketishingizdan so'ng jamoa 12-13-o'ringa tushib ketdi, balki siz bilan bo'lgan voqeadan so'ng futbolchilarda bir-biriga ishonch yo'qolgandir va o'sha voqea jamoaga salbiy tasir qilgandir?
- Bunday deb o'ylamayman, chunki o'yindagi xatolar bunga sabab.
- So'nggi so'zingiz: "Lokomotiv"ga, O'FA va muxlislarga?
- Agarda menga bu davlatni tark etishim kerakligini aytishsa, men ketishga tayorman va boshqa joyda faoliyatimni davom ettirishga ruxsat berishsa. Futbol eng sevimli ishim 30 yildan buyon futbol o'ynayman va bundan meni mahrum qilish notug'ri va mavjud bo'lmagan narsa uchun, mayli edi isboti bo'lsa: mana bu erda pul olding, bu erda o'zinga gol urding deb. Hozircha faqat jazo berib qo'yishdi. Kaxi Maxaradze aybdor deb. O'zingiz tushunib turibsiz o'zbek futbolida nima bo'layotganini.
Bosh sahifaga
146