Mavsum yakunlari xususida jamoa yarim himoyachisi Iqbol Malikjonov fikrlari bilan o'rtoqlashdi.
- Iqboljon, mavsum "Surxon" uchun qanday yakunlandi?
- Yangi mavsum oldidan "Surxon" yangi rahbarlar qo'liga o'tdi. Bir so'z bilan aytganda, jamoa yangitdan tuzildi. Jamoa oldiga 8 talikka kirish vazifasi qo'yilgandi. Ammo o'z oldimizga qo'yilgan vazifani bajara olmadik. Bunga sabab jamoa mavsum davomida barqaror futbol namoyish eta olmadi. Bu esa natijalarimizning pasayishiga va ko'p ochko yo'qotishimizga sabab bo'ldi.
- 2022 yilgi mavsumdagi faoliyatingizdan qoniqish hosil qilyapsizmi?
- To'g'risi, shaxsan o'zim birinchi davradagi o'yinlarimdan ko'nglim to'ldi. Mavsumning ikkinchi qismida esa o'zim va muxlislar kutgan darajada o'ynay olmadim, chunki jamoamiz Superligada qolish uchun kurashdi. Qachonki jamoa yuqori o'rinlar uchun kurashsa, o'shanda futbolchi o'zining o'yinlaridan va jamoadagi faoliyatidan qoniqish hosil qiladi.
- "Surxon"da qolasizmi?
- Hozircha jamoada qolish-qolmasligim bo'yicha biror aniq gap aytolmayman. Hali bu haqda rahbariyat bilan gaplashganimcha yo'q.
- Unda boshqa jamoalardan ham takliflar bormi?
- Boshqa klublardan ham takliflar bor. Lekin hammasiga tatildan qaytganimizdan keyin aniqlik kiritamiz.
- JCH-2022da qaysi jamoaga muxlislik qilyapsiz?
- Qatardagi JCH-2022da Braziliya va Portugaliya terma jamoalariga muxlislik qilmoqdaman
Bosh sahifaga
363