Nomdor futbolchilarga ega Germaniya va Belgiya terma jamoalarining guruhda qolib ketgani ko'pchilikni ajablantirgani bor gap. Biroq ushbu mundial shuni ko'rsatyaptiki, endilikda qolgan jamoalar shunchaki ishtirok uchun emas, balki uzoqroqqa borishni maqsad qilgan holda harakat qilyapti. Ayni paytda Qatarda bo'lib turgan o'zbekistonlik futbolchi Sardor Rashidov yuz bergan sensaciyalarga munosabat bildirdi.
- Jahon chempionatida qaysi uchrashuvlarga borishga ulgurdingiz? Kichkinda mamlakatda shunday katta musobaqani o'tkazish qanday ketyapti?
- Ushbu mundialda Portugaliyaga muxlisman va shu jamoa ishtirokidagi uchrashuvlarga kirmoqdaman. Qatarda Jahon chempionatini o'tkazish unchalik muammo bo'lgani yo'q. Musobaqa juda yaxshi tashkillashtirilyapti, deya olaman. O'zbeklarda puling bo'lsa haltada, degan maqol borku (kuladi).
- Mezbon Qatar terma jamoasining guruh bosqichidagi ishtiroki va o'yinlari mahalliy aholida norozilik yoki etirozli holatlarni yuzaga keltirmadimi? Odamlar qanday qabul qildi?
- Yo'q. Aksincha bu Jahon chempionati arab diyori uchun katta yangilik bo'ldi.
- Belgiya va Germaniyaning guruhda qolib ketishi turnirning sensaciyasimi?
- To'g'risini aytsam faqat Portugaliyaning o'yinlarini ko'ryapman. Germaniyaning erta tark tark etishi kutilmagan voqea sifatida aytish mumkin. Ammo hozir barcha jamoalar optimal sport formasida. Evropada mavsum davom etayotgani uchun futbolchilar bunday uchrashuvlarga tayyor holda keldi. Belgiyaga kelsak, "oltin" avlod yakunlandi, xolos.
- Finalda qaysi jamoalar bir-biriga ro'baro' kelishini istaysiz?
- Fikrimcha, Franciya va Braziliya finalda uchrashsa kerak. CHunki bu terma jamoalar juda kuchli futbol namoyish etmoqda.
- Sizningcha guruh bosqichining eng yaxshi futbolchisi kim bo'ldi?
- Kilian Mbappe. Kashfiyot futbolchi hali ko'rmadim. Oldinda hali bahslar ko'p.
Bosh sahifaga
241