"Bu jamoada chempionlik uchun imkoniyat yo'q. Takliflar doim bo'lgan, lekin..." - Marko Stanoevich kimni nazarda tutdi? U "Nasaf"da baxtlimi?

Futbolchi bu mavsumda ham jamoasining muvaffaqiyatlariga munosib hissa qo'shishga harakat qildi. Ayrim pallalarda unga omad etishmagani ham bor gap. Marko bilan mavsum yakunlari, mundial va boshqa mavzularda suhbatlashdik. 

- Dstlab Jahon chempionati uchrashuvlariga to'xtalsak. Kechagi bahslarni tomosha qildingizmi? 

- Albatta. Mundialdagi o'yinlarni diqqat bilan kuzatib bormoqdaman. Musobaqaning barcha favoritlari bu bosqichga etib keldi. Franciya, Angliya, Argentina o'z o'yinlarida g'alaba qozondi. Francuzlar dastlabki uchrashuvlardanoq yaxshi o'ynab kelyapti. CHempionlik uchun favoritlardan biri. Angliya esa xayron qoldirmadi. Fikrimcha, ularda chempionlikni qo'lga kiritish uchun imkoniyat yo'q. 

- Turnirda nima ko'proq etiboringizni tortyapti?

- Syurpirizlar ko'p bo'lyapti. Osiyo klublari kutilmagan natija ko'rsatishda ancha etakchi. Yaponiya va Koreyani guruh bosqichining kashfiyotlari, deb bemalol aytish mumkin. Germaniyaning erta xayrlashishi esa albatta ularga alam qilgani tabiiy. Ammo bu - futbol. 

- Borgan sari jamoalar saralanib bormoqda. Kim uzoqroqqa boradi?

- Argentina va Franciyaning ko'rsatayotgan o'yinlari yanada oldinga qarab siljishiga sabab bo'lishi mumkin. O'yin tomonlama ular Angliya va Niderlandiyadan kuchli. 

- "Nasaf" bilan uchinchi mavsumingizdan qanday xotiralar qoldi? Umumiy poyoniga etib borayotgan yil haqida...

- Mavsum uzoq va qiyin, shunga yarasha qiziqarli ham o'tdi. Afsuski, chempionlikni qo'lga kirita olmadik. Biroq kubokni qo'lga kiritdik, OCHLda guruhdan chiqdik. Bularni yil uchun kam yutuq demasdim.  CHempionlikka munosib edik, deya olaman. So'nggi ikki turda omad bizdan yuz o'girdi. 

- Keyingi rejalaringiz bilan o'rtoqlashsangiz?

- "Dinamo"ga qarshi uchrashuvda tizzamdan jarohat olgandim. Jarrohlik amaliyotini o'tkazdim. Hozir esa tiklanish jarayoniga kirishganman. Rejam tezroq safga qaytish va "Nasafga yordam berish. 

- Demak yangi mavsumda ham sizni "ajdarlar" tarkibida ko'ramiz?

- Xudoga shukurki, takliflar doim bo'lgan. Bu odamni xursand qiladi. Lekin men "Nasaf"da baxtliman. Umid qilamanki, Qarshida qolaman va faoliyatimni davom ettiraman.

- Dragan CHeran bilan birga tushgan suratingizni izohlay olasizmi?

- CHeran menga akadek. U jarrohlik amaliyotidan so'ng meni shifoxonadan olib chiqishga ko'maklashdi.