"Championat.asia" bergan xabar o'z tasdig'ini topdi.
Aziz Turg'unboev "Paxtakor" yig'iniga qo'shilish uchun Dubayga uchib ketdi
"Paxtakor" va "Navbahor" futbol klublari o'rtasidagi kelishuvga binoan Aziz Turg'unboev "sherlar"ga transfer qilindi. 27 yoshli futbolchi hozirgacha Superligada 110 o'yinda ishtirok etib, 26 gol muallifiga aylangan. "Paxtakor" va Aziz Turg'unboev o'rtasida ikki yillik shartnomaga imzo chekildi. SHu tariqa endi hujumkor yarim himoyachi toshkentliklar sharafini himoya qiladi.
"Paxtakor" futbol klubi Aziz Turg'unboevni jamoamizga o'tishi bilan tabriklaydi. Umid qilamizki, u "SHerlar" safida yangi g'alabalar va sovrinlarga ega chiqadi", - deyiladi klub matbuot xizmati bergan xabarda.
Eslatib o'tamiz, "SHerlar" 30 yanvar kuni Dubaydagi "Jebel Ali" stadionida Moskvaning "Spartak" jamoasiga qarshi o'rtoqlik o'yinida maydonga tushadi.
Bosh sahifaga
305