AGMK joriy mavsum ilk bor O'zbekiston chempionati sovrindori bo'lishi mumkin. Bu voqea ertagayoq sodir bo'lishi uchun "Lokomotiv" "Qo'qon-1912"ni va "So'g'diyona" "Bunyodkor"ni mag'lub etishi talab etiladi. Agarda "temiryo'lchilar" va jizzaxliklar ertaga g'alaba qozonsa, unda AGMK muddatidan avval chempionat sovrindori (bronza yoki kumush medal) bo'lishi taminlanadi.
SHuningdek, Qarshida kechadigan turning markaziy o'yini: "Nasaf" - "Paxtakor" uchrashuvida AGMKga O'zbekiston chempioni "Paxtakor"ning g'alabasi zarur. SHunda olmaliqliklar nafaqat bronza medallari uchun, balki kumush medaliga egalik qilish uchun ham yaxshigina imkoniyatni saqlab qoladi.
Hozircha AGMK va "Nasaf" o'rtasidagi farq bir ochkoni tashkil qiladi. "Nasaf" esa tur o'yinini ertaga Qarshida "Paxtakor"ga qarshi o'tkazadi.
CHempionat tugashiga esa yana 2 tur mavjud. AGMK 25-turda Namanganda "Navbahor" mehmoni bo'lsa, oxirgi o'yinni Olmaliqda "Buxoro"ga qarshi o'tkazadi. "Nasaf" esa "Paxtakor" bilan o'yindan tashqari yana ikki Toshkent klubi "Bunyodkor" (safarda) hamda "Lokomotiv" (uyda) bilan bahs olib boradi.
Bosh sahifaga
290