Krishtianu Ronaldu faoliyatini Saudiya Arabistonida davom ettirishga yaqin turibdi.
"Marca" jurnalisti Xose Feliksning aytishicha, hujumchi Portugaliya terma jamoasining JCH-2022dagi ishtirokidan so'ng "Al Nassr" bilan kelishuvni rasmiylashtirish uchun Ar-Riyodga uchib ketadi.
"Krishtianu Ronaldu kelajagi haqida xabardor. Uning kelajagi Saudiya Arabistoni futbolida.
U klub bilan mutlaq kelishuvga erishdi. Endi u klub bilan tanishib, hujjatlarga imzo chekish-chekmaslik bo'yicha qaror qabul qilishi lozim. Bu jamoa o'sishga harakat qilmoqda va Saudiya Arabistoni futboli gegemoniga aylanishni xohlayapti.
SHartnoma ikki yarim yilga mo'ljallangan. Ronaldu maoshining bir qismini o'yinlardan, ko'p qismini esa reklamadan oladi.
Tez orada agar rejalar o'zgarib ketmasa, u Jahon chempionatidan so'ng Ar-Riyodda paydo bo'ladi va shartnoma imzolaydi", – dedi Feliks.
Avvalroq Championat.asia birinchilardan bo'lib Ronalduning "Al Nassr"ga o'tayotgani haqida "Eshitdik-da" rukni ostida xabar bergan edi.
SHundan so'ng darhol "Mundial studiya" efiri davomida "Al Nassr"da to'p tepayotgan Jaloliddin Masharipov bilan bog'lanib, undan 7-raqamni Ronalduga berishi yoki bermasligi haqida so'ragan edik.
Bosh sahifaga
591