Mazkur bahsdan keyin “pentakampeonlar” sardori Neymar o'z hissiyotlari bilan o'rtoqlashdi.
“Hozir gapirish mushkul. Boshimda ko'p narsalar aylanmoqda, ammo kiyim almashtirish xonasida bu vaziyat bizgan nimani o'rgatgani haqida gaplashdik. Bizda juda ahil, quvnoq, xushchaqchaq jamoa bor, ammo bugungi kuni xursandchilik olib kelmadi va qayg'uli bo'ldi.
Afsuski, nohaq o'yin tufayli musobaqa bilan xayrlashdik. Endi dam olish, yaqinlarni quchoqlash vaqti keldi. Hozir faqatgina ular bizga tasalli bera oladi.
Biroz butun sikl, o'tkazgan kunlarimizga to'xtalmoqchiman. Barchasi shunchalik tez ro'y beridiki, bundan maksimal tarzda foydalanishingiz kerak. U yoki bu futbolchining terma jamoadagi faoliyati yakunlanadi, yoshlar esa keladi. Bu erda ko'plab do'stlar orttirdim, jamoaning bir bo'lagi bo'lganimdan xursandman, barcha bilan faxrlanaman.
Afsuski, bu tarkib bilan g'oliblikni qo'lga kirita olmadik, ammo shunaqasi bo'lib turadi. Hozir xafamiz va qayg'udamiz, barcha taskin qiladigan so'z topish qiyin”, deydi Neymar.
Bosh sahifaga
379