Sportchi o'quvchilarga "Nasaf" bosh murabbiyi Ro'ziqul Berdiev va katta murabbiysi SHuxrat Toshpo'latovlar yosh futbolchilarga kelajakda yaxshi futbolchi bo'lishi uchun tinimsiz mehnat, o'z ustida ko'proq ishlash, tartib-intizomga rioya qilish, oldiga qo'yilgan maqsadga faqat o'z mehnati bilan erishish haqida tushunchalar berishdi. Hozirda O'zbekistonda bolalar va o'smirlar futboliga alohida etibor berilib, barcha shart-sharoitlar yaratilgan. Bu berilgan imkoniyatlardan unumli foydalanishlari haqida takidlab o'tishdi. Yosh futbolchilar "Nasaf" o'quv-mashg'ulotlar bazasida futbolchilarga yaratilgan shart-sharoitlar bilan tanishib chiqishdi.
"Nasaf" jamoasining sobiq hujumchisi, O'zbekiston milliy terma jamoasining hujumchisi va hozirgi vaqtda Belorussiyaning "Energetik-BGU" hujumchisi Bobur Abduxoliqov, O'zbekiston milliy terma jamoasi va "Nasaf" darvozaboni Abduvohid Nematov, himoyachi Jo'rabek Mannonov, darvozabon Azamat Soyibov va yarim himoyachi SHarof Muhiddinovlar bilan futbolchilik faoliyati haqida dildan suhbatlashishdi. Yosh futbolchilar "Nasaf" markaziy o'yingohidagi "Nasaf" muzeyini ko'zdan kechirishdi.
Bosh sahifaga
219