Dastlab jamoa azolari ishtirokida kichik yig'ilish bo'lib o'tdi. SHundan so'ng futbolchilar klub akademiyasi suniy maydonida mashg'ulotlarga kirishdi. Birinchi kungi mashg'ulotlarda murabbiylar shtabida Sergey Arslanov jismoniy tayyorgarlik bo'yicha ish olib bordi. Malumot uchun, mazkur mutaxassis shu yilda Qirg'izistonning "Dordoy" jamoasida 1 oy katta murabbiy lavozimida ishlab qaytgandi. Bu mavsumda asosiy tarkib va o'rinbosarlar jamoasida faoliyat olib borgan Abduhamid Qodirov endilikda muntazam ravishda Ivan Boshkovichga yaqindan ko'maklashib boradi. U-21 jamoasiga Anvar Rahimov bosh murabbiy etib tayinlandi. Anvar Rahimov bunga qadar U-18 jamoasini boshqarayotgan edi.
Abduhamid Qodirov bor etiborini asosiy tarkibga qaratadi va Ivan Boshkovichga ko'maklashadi.
Anvar Rahimov o'rinbosarlar bilan ishlaydi
Tarkibdagi o'zgarishlarga kelsak, avval xabar berganimizdek klub Dmitrie Pobulich, Francis Narx, Ibrohim Tomiva bilan xayrlashgandi. Faqatgina rossiyalik legioner Pavel Mogilevecning masalasi ochiq qolgandi. Endilikda ushb futbolchi ham faoliyatini boshqa jamoada davom ettiradi. Kuni kecha u jamoani tark etdi. SHuningdek ikki nafar darvozabon Sarvar Karimov va Zafar Safoev ham jamoa bilan xayrlashdi. Farruh Ikromov keyingi mavsumni "Navbahor"da o'tkazishi aniq bo'lib ulgurgan.
Yig'inning dastlabki bosqichida bir qator futbolchilar hamda yaponiyalik va qirg'izistonlik legioner ko'rikdan o'tmoqda. "Olimpik" darvozaboni Vladimir Nazarov 2023 yilgi mavsumni "Bunyodkor" safida boshlaydi.
Vladimir Nazarov "Bunyodkor"da
Mashg'ulotlar yakuniga etgach bosh murabbiy Ivan Boshkovichning yig'in va tayyorgarlik jarayoni bo'yicha fikrlari bilan qiziqdik.
— Tayyorgarlik sekin-asta bosqichma-bosqich olib borish rejalashtirilgan. SHu jarayonda mashg'ulotlarda tezlikni ham qo'shib boramiz. Eng muhimi yig'ildik. Asosiy etibor akademiyamiz tarbiyalanuvchilari va yosh futbolchilarga qaratiladi. 2-3ta yaxshi xorijlik futbolchilar hisobiga tarkibni biroz kuchaytirishimiz mumkin. 3ta futbolchi ko'rikda bo'lib turibdi.
"Bunyodkor" istalgan raqibga qarshi faqat g'alaba uchun maydonga chiqadi. Maqsadimiz doim yuqori bo'lib qolaveradi.
— Ketgan futbolchilarning barchasiga omad tilaymiz. Kimlardir o'zi ketishni istadi, yana ayrimlar bilan shartnoma uzaytirilmadi. Umarali Rahmonalievning biz bilan shartnomasi tugagandi. Bizning tarbiyalanuvchimizning xorijda to'p tepishi yoqimli albatta. O'zbekiston uchun foyda keltiradi, deb o'ylayman.
Vaziyatga qarab xorijda yig'in o'tkazishimiz ehtimoli yo'q emas. BAA yoki Turkiya yaqin kunlarda aniq bo'ladi, deb o'ylayman.
Bosh sahifaga
134