Har bir jamoada kamida bir nafardan serbiyaliklarni ko'rishimiz mumkin. Biroq osiyoliklar qadam ranjida qilishi kam kuzatiladigan jarayon. Ayniqsa arab diyori vakillari. 2011 yil o'rtamiyona "Andijon" safida iroqlik mashhur futbolchi Xaydar Abdulrazzoq paydo bo'ldi.
Futbolga kirib kelishi
Xaydar Abdul Razzoq 1982 yil 9 iyun kuni Iroq poytaxti Bag'dod shahrida tug'ilgan. Futboldagi ilk qadamlarini 1995 yil 13 yoshida "Talaba" yoshlar jamoasida tashlagan. Qaysidir manoda bu uning uchun debocha vazifasini, o'tab bergandi. 1996 yilda Nazar Ashraf "Talaba"ning asosiy jamoasiga 5 nafar futbolchini jalb qiladi. Ulardan biri qahramonimiz edi. Oradan 2 yil o'tgach Adnan Hamad tomonidan Iroqning yoshlar jamoasiga jalb etiladi. 2000 yil ular o'z yosh toifalaridagi Osiyo chempionatida g'olib chiqishadi. Finalda Yaponiya taslim qilinadi (2:1).
Terma jamoadagi faoliyati
Mazkur muvaffaqiyat bir necha nafar futbolchilar qatorida Xaydar Abdul Razzoqga milliy terma jamoa eshiklarini ochadi. U 2000 yil 31 yanvar sanasida Milan Zivadnovich boshchiligida JCH-2002 saralash bosqichida Iroq safida debyut qiladi (Livan - Iroq 0:0). Xaydar olimpiya terma jamoasi bilan Afina Olimpiyadasiga yo'llanma olibgina qolmay, musobaqani faxrli 4 o'rin bilan tugatadi. Osiyo kubogidan keyingi bu navbatdagi yutuq hisoblanardi. Ammo hali tugagani yo'q edi. Uning eng katta yutug'i shubhasiz 2007 yil 4 davlat, Tailand, Malayziya, Vetnam, Indoneziya mezbonligida o'tgan Osiyo kubogidagi g'oliblikdir. Yunus Mahmud kabi yulduzli tarkibga ega Iroq finalda Saudiya Arabistonini taslim qiladi (1:0). Final Xaydarning terma jamoadagi oxirgi uchrashuvi bo'ldi.
Qaysi klublarda to'p tepgan?
To'p tepar faoliyatining asosiy qismini Iroqda o'tkazdi ("Al Talaba", "Al Ittihod", "Duxok", "Al Zavra", "Al Karx", "Sulaymoniya"). Legioner sifatida Qatarning "Al Ahli SK", Livanning "Al Ansor", "Al Ahli Saida SK", O'zbekistonning "Andijon" jamoalarida harakat qildi. 2007 yildan so'ng uning karrerasida pasayish yuzaga keldi va avvalgi darajasiga qayta olgani yo'q.
"Andijon"dagi qisqa faoliyat
Mavsumning ikkinchi davrasida "Andijon" tarkibiga kelib qo'shiladi. Biroq 3-4ta uchrashuvda maydonga tushganidan bilish mumkinki, mamlakatimizdagi faoliyati ko'ngiladgidek chiqmagan. O'sha yili jamoa 28 ochko bilan 12 o'rinni egallab elitada qolishni uddasidan chiqqan.
Xaydar Abdul Razzak vafot etishi voqealari
Sobiq futbolchi shu yilning 5 iyun sanasida bir necha kun oldin poytaxtda nomalum shaxslar tomonidan uyushtirilgan hujumda jarohat olib kasalxonaga yotqizilgan. Birin Ular 5 kishini tashkil qilar, qo'llarida esa metall qurollar bo'lgani aytilgan. Birinchi yordam ko'rsatilganiga qaramay nevrologik jarohatlar natijasida vafot etgan.
Bosh sahifaga
315