"Lokomotiv" jamoasi shifokori Abror Pirriev o'zining telegram kanalida quyidagi postni elon qildi.
JCHda bugunga belgilangan bahs haqida o'yladimu: Kim, qachondan buyon Marokashga muxlislik qilayotganini bilmadimu, lekin Anzur Ismoilov avvalboshdan shu termaga ishqibozlik qilayotgani aniq, degan o'y xayolimdan o'tdi. CHunki marokashlik turmush o'rtog'i vatan jamoasiga muxlislik qilib turgandan keyin...
Taxminimni tekshirib ko'rish uchun Anzurga qo'ng'iroq qildim:
— Albatta Marokashga, – dadil javob berdi u. Suhbat bahonasida oila davrasidan sal chetroqqa o'tdi shekilli, gurung oxirida qo'shib qo'ydi: – Turmush o'rtog'im va bolalarimga qo'shilib men ham Marokash tomonman deb tursam-da, aslida o'zim Braziliyaga muxlislik qilayotgandim. Buni qarang, qovun tushirib qo'yishdi. Endi esa faqat Marokash deb turibman. Xullas, muxlislik uchun jamoa tanlashda ayolim va bolalarim meni mag'lub etishdi...
Yana qancha to'pteparimiz muxlis jamoa masalasida turmush o'rtog'iga yutqazdi ekan, a..?
Bosh sahifaga
315