"Jamoada etiborga molik o'zgarishlar yuz berdi. “Andijon” klubi bosh direktori Ulug'bek Mirzaev bugun yangi mavsumga tayyorgarlik boshlanishi oldidan jamoa azolari hamda klub ishchi-xodimlari bilan yig'ilish o'tkazdi va unda tashkiliy masalalar ham ko'rib chiqildi.
Ulug'bek Abdusattorovich yig'ilishda “Andijon” jamoasining pro liga g'olibi sifatida Superligaga qaytishida o'zining munosib hissasini qo'shgan futbolchilar va murabbiylarga o'z minnatdorchiligini bildirdi.
SHuningdek, klub bosh direktori jamoada katta hajmdagi ishni bajargan va Superligaga qaytishi yo'lida samarali faoliyat yuritgan hamda qo'llab-quvvatlab turgan “Andijon”ning sobiq tasischisi Juratbek Quvvatovga ham olib borgan mehnati uchun o'zining minnatdorchiligini izhor etdi.
SHuni ham takidlab o'tmoqchimizki, jamoamizda bir yarim mavsum davomida bosh murabbiy sifatida faoliyat olib borgan rossiyalik Viktor Kumikovning klub bilan tuzilgan shartnomasi nihoyasiga etgani sababli u “Andijon” bilan xayrlashdi. O'z navbatida Viktor Balyutovichga jamoamizning Superligaga qaytishiga munosib hissasini qo'shgani va klubda muvaffaqiyatli faoliyati uchun minnatdorchilik bildiramiz va uning keyingi ishlariga omad tilaymiz.
Ulug'bek Mirzaev boshchiligida tashkil etilgan yig'ilishda “Andijon” jamoamizga yangi bosh murabbiy sifatida Aleksandr Xomyakov rasman tanishtirildi.
53 yoshli rossiyalik Aleksandr Andreevichni muxlislarimiz juda yaxshi biladilar. Boisi, 2019 va 2020 yilgi mavsumlarda ham “Andijon” klubi bosh murabbiyi sifatida faoliyat olib borgan. Oxirgi ish joyi esa Muborakning “Mashal” klubi hisoblanadi", - deb yoziladi klub matbuot xizmati bayonotida.
Bosh sahifaga
291