JCH vaqtida "Manchester Yunayted"dan ketgan Krishtianu Ronaldu Saudiya Arabistonining "Al Nassr" jamoasiga ko'chib o'tishga yaqin.
"Marca" malumotlariga ko'ra, Dubayga etib borganidan keyin u Saudiya Arabistoni tomon otlanadi. "Al Nassr" Ronalduning dekabr oyi oxirigacha klubga kelishini kutmoqda.
Krishtianu klub bilan 2025 yil iyunigacha shartnoma imzolaydi va har mavsumda 200 million evro ishlab topadi (bu miqdor ish haqi va reklama daromadlarini o'z ichiga oladi).
Saudiya Arabistoni Ronalduning "Al Nassr"ga o'tishi mahalliy futbolni rivojlantirish uchun harakat deb hisoblaydi. Mamlakat 2030 yilgi Jahon chempionatini o'tkazish huquqiga egalik qilishga intilmoqda. O'zini sport va futbol olami xaritasiga kiritish uchun mamlakat allaqachon Ispaniya Superkubogi o'yinlarini tashkil qilmoqda, shuningdek, Formula-1 bosqichi, golf va ot poygalari musobaqalarini o'tkazmoqda. Ushbu harakatlarning maqsadi JCH-2030ni mezboni bo'lish sifatida ko'rilmoqda.
Ronaldu Dubayda bir necha kunlik tatilni o'tkazadi va keyin Saudiya Arabistoniga boradi.
Bosh sahifaga
245