Jamoa bosh murabbiyi Sardor Zokirov ortda qolgan mavsum davomida bosib o'tilgan yo'l va amalga oshirilgan ishlar haqida fikrlarini bildirib o'tdi.
"Cementchi" oson bo'lmagan og'ir mavsum o'tkazdi. Jamoamiz tarkibi asosan mahalliy futbolchilardan shakllantirilgan. Tarkibimizda bir nafar nigeriyalik legioner futbolchi harakat qildi.
"Cementchi" Farg'ona viloyati futbol associaciyasi tomonidan tashkil etilgan viloyat kubogi musobaqasida g'oliblikni qo'lga kiritdi. SHundan so'ng Qarshi shahrida tashkil etilgan "Xududiy kubok egalari kubogi" musobaqsida ishtirok etdik. Jami 9 ta jamoa ishtirok etgan mazkur musobaqada 2-o'rinni qo'lga kiritdik. Bu natija bizga Birinchi ligaga o'tish o'yinlarida qatnashish huquqini berdi.
Buxoro shahrida bo'lib o'tgan o'tish o'yinlari yuqori saviyada tashkil etildi. Biz ushbu musobaqaning finaliga qadar etib bordik va yakunda yangi mavsumdan Birinchi ligada o'ynash huquqini qo'lga kiritdik. Jamoamiz ko'rsatgan natijadan xursand bo'lgan futbol muxlislari va mutasaddi tashkilotlar vakillari bizni Farg'onada ajoyib tarzda kutib olishdi. Yangi mavsumda ham "Cementchi" faqat yuqori maqsadlarni ko'zlagan xolda davom etadi. Bizni qo'llab-quvvatlab turgan klubimiz rahbariyati va jamoamiz muxlislariga minnatdorchilik bildiraman", – dedi yosh mutaxassis.
Bekzod Tolibov yozib oldi
Bosh sahifaga
283