Vazirlar Mahkamasining 2021 yil 30 apreldagi "Futbol klublari faoliyati samaradorligini oshirish chora-tadbirlari to'g'risida"gi 261-sonli qaroridan kelib chiqib, Musobaqalar reglamentiga Superliga va Pro liga klublari yillik xarajatlari smetasini FIFA hamda OFK talablarini inobatga olgan holda O'FA bilan kelishishi masalasi kiritilgandi.
Futbol klublariga ajratilayotgan mablag'larning maqsadli sarflanishini monitoring qilish muhim ahamiyat kasb etadi. 2022 yilgi mavsum oldidan klublar ilk bor o'z smetasini kelishish uchun O'FAga taqdim etgandi. Endi ular 2022 yilgi smetadan o'rin olgan mablag'lar maqsadli sarf etilishi yuzasidan komissiya suhbatida bo'ladi.
SHu maqsadda klublar birma-bir yillik byudjet smetasini maxsus komissiya oldida himoya qilib chiqmoqda. Bungacha bir qator jamoalar bu ishni bajargan bo'lsa, endi navbat “Andijon” jamoasiga ham etib keldi.
Klub bosh direktori Ulug'bek Mirzaev kuni kecha O'FAda tashkil etilgan maxsus komissiya suhbatida bo'lib, jamoaning yillik byudjetini yil davomida qanday taqsimlanishi yuzasidan muvaffaqiyatli himoya qildi.
Qayd etilishicha, “Andijon” klubining yillik smetasidan asosiy jamoa, U-21, U-19, ayollar va futzal jamoalari, shuningdek, administraciya, xizmat ko'rsatuvchi personallar kabi 7 ta bo'g'in joy olgan. Ular uchun oyma-oy xarajatlar qanday taqsimlanishi alohida ko'rsatib o'tildi. Qolaversa, stadion maydonini yaxshilash, “projektor” masalasi bo'yicha ham mablag'larning o'rinli sarflanishi raqamlarda keltirib o'tilgan.
O'FA komissiyasi tomonidan "Andijon" futbol klubining smetasi maqullandi.
Bosh sahifaga
324