AS xabariga ko'ra, Madrid klubi kanadalik futbolchini 2024 yilning yozida o'z safiga qo'shib olishni rejalashtirmoqda. "Real" Devisni keyingi bir necha yilda himoyaning chap qanotini kuchaytirish uchun eng yaxshi variant deb hisoblaydi.
"Real" 22 yoshli himoyachi haqida ijobiy malumotlar oldi – uning tezligi, kuchi va yuqori darajadagi tajribasi uning foydasiga gapiradi. "Real"dagilar futbolda tobora jismoniy holat muhim ahamiyat kasb etib borayotganini tushunadi, shu bois Devis klub rahbariyatiga manzur kelgan.
Qolaversa, "Real" vakillariga Devisning Kanada termasi tarkibida JCH-2022dagi o'yini yoqdi. Klubga futbolchining etakchilik fazilatlari yoqadi.
Alfonsoning "Bavariya" bilan bitimi 2025 yilning yozida tugaydi, shuning uchun "Real" Toni Kroos va Eden Azar bilan bo'lgan yo'ldan borishni istaydi. Madridliklar Devisning shartnoma muddati bir yil qolishini kutish niyatida va bu holatda uning narxi pastroq bo'lishini kutmoqda.
CHap qanot himoyachisi joriy mavsum "Bavariya" safida bara musobaqalarda 19 ta o'yinda maydonga tushib, 1 ta gol urdi va 4 ta golli uzatmani amalga oshirdi. Kanada terma jamoasi JCH-2022da 3 ta o'yinda qatnashib, 1 ta to'p kiritdi.
Bosh sahifaga
189