2022 yilgi mavsumda ham shunday holatga tushib qolgan, agar vaqtida harakat qilinmaganida balki hozir Pro liga uchun taraddudni boshlab yuborishi hech gapmasdi. O'zbek futbolida katta obro'ga ega Hamidjon Aktamovning "Surxon"ga kelishi amalda Superligada qolishini taminladi. To'g'ri u murabbiy rolida emas, balki menejer sifatida. Xabaringiz bor, endilikda klubda rahbariyat almashyapti. Uzun-quloq gaplar SHog'ulomovlarga berilishi haqida bong urmoqda. Muxlislarning bunga munosabati turlicha. Aslidachi? Bu borada "Surxon" fan klub raisi Ilhom Toshboevning fikrlarini tingladik.
— Kecha hokimiyatga bordik, telefon raqamlarimizni olib qolishdi. 3 yanvar kuni Surxondaryo hokimi bilan uchrashmoqchimiz. Bilishimiz bo'yicha yangi hokimimiz futbolga qiziqadi. O'z vaqtida Denov tumani hokimi bo'lgan.
— So'nggi voqealarga kelsak, albatta muxlislarning reakciyasini yaxshi, deb bo'lmaydi. Biz ham barqaror jamoa bo'lishini istaymiz. Yoshlar uchun tramplin "Surxon" bo'lishi kerak. Birinchi navbatda albatta infratuzilma. Hamidjon Aktamov barqaror jamoa shakllantira oladi, kuchli futbolchilarni atrofiga jamlaydi. Hozir klubga kim yangi rahbar bo'ladi, u nima qiladi biz bilmaymiz.
— Surxondaryo xalqi ham futbolni juda yaxshi ko'radi. 2022 yilgi mavsum mobaynida faqat chetda Toshkent shahri, Olmaliqda, Samarqandda o'yinlar bo'ldi, hammasiga bordik. Yomg'irda, qorda ham borib jamoani qo'llab-quvvatladik. Surxondaryoliklarni ham o'z uyida futbol ko'rishga xaqqi bordir. Biz "Surxon" jamoasiga OCHLda muxlislik qilishni xohlaymiz. Muxlislarning fikricha, jamoada menejer Hamidjon Aktamov qolishi kerak. U haqiqatdan juda kuchli boshqaruvchi.
Abdulaziz Iskandarov yozib oldi
Bosh sahifaga
163