Eshitdik-da! "Olimpik"ning 2 nafar himoyachisi faoliyatini boshqa jamoada davom ettiradi

Bu haqda saytimiz xodimi Tolibjon Qosimov xabar berdi.

"Paxtakor" va "Navbahor" jiddiy qiziqish bildirgan "Olimpik" asosiy markaziy himoyachisi Muhammadqodir Hamraliev Olmaliqning AGMK jamoasiga o'tmoqda. Tomonlar o'zaro kelishuvga erishgan. Olmaliqliklar himoya qo'rg'onini aynan Hamraliev bilan to'ldirishmoqchi.

Eslatib o'tamiz, Hamraliev o'tgan mavsum Superligada 25 ta uchrashuvda qatnashdi va 3 ta gol urib, 1 ta golli pas uzatdi.

Jamoaning asosiy chap qanot himoyachisi Doston Tursunov ham "Olimpik"ni tark etdi. 22 yoshli futbolchi katta ehtimol bilan faoliyatini "Surxon"da davom ettiradi.

Eslatib o'tamiz, Doston Tursunov o'tgan mavsum Superligada 21 ta o'yinda ishtirok etgan va 2 ta golli pas bergan.