Xo'sh, bugungi uchrashuv oldidan kim qanday kayfiyatda?
Aslini olganda ikkala jamoa ham so'nggi o'yinida sinxron natija qayd etdi. London klubi "Nottingem Forest" maydonida 1:1 hisobidagi durang qayd etdi. "SHaharliklar" esa o'z maydonida "Everton"ni mag'lub eta olmadi, 1:1. Demak, bu borada tenglik.
O'zaro o'yinlarda so'nggi paytlarda kichik ustunlik "Siti" tomonida. "CHelsi" "Siti"ga qarshi so'nggi 4 o'yinda 3 mag'lubiyat va 1 durang qayd etdi, aksiga olib, darvozaga gol ham ura olmadi. "Aristokratlar" "Man Siti"ni so'nggi bora 2021 yilgi ECHL finalida mag'lub etgandi, 1:0.
Agarda umumiy natijalarga etibor beradigan bo'lsak, o'zaro o'yinlardagi ustunlik "CHelsi" tomonida: 170 o'yinda 69 g'alaba. "Siti" esa shularning 61tasida muvaffaqiyatga erishgan. 40 bahsda g'olib nomi aniqlanmagan. "CHelsi" 228, "Siti" esa 217 gol urgan.
Ammo jamoalarning hozirgi kayfiyati xatto so'nggi o'yinga ham bog'liq emas. Birgina Xolandning o'zi "CHelsi"dan ko'p gol urgani, London klubi so'nggi 7 o'yinda g'alabaga erisha olmayotgani, shu boisdan 10-o'ringa tushib ketgani. Ha, Grem Potter shogirdlarining ishi yaxshi emas. Ammo muhim o'yinlar oldidan bu holat hech narsani o'zgartirmaydi. Tarixda bunday paytlarda "CHelsi" g'alabalarga erishganini ko'p ko'rganmiz.
Tarkibda yo'qotishlar bormi? Aslida "CHelsi"ning pastga sho'ng'ityogani sabablaridan biri ham shu. Ngolo Kante, Ben CHIlluell, Ris Jeyms, Eduar Mendi, Uesli Fofana, Armando Broya kabi futbolchilar lazaretda. "Siti"da esa Ruben Diash bahsni o'tkazib yuboradi.
Ammo bularga etibor bermang. Bizni oldinda zo'r o'yin kutmoqda:
"CHelsi" - "Manchester Siti". 01:00
London, "Uembli"
Bosh hakam: Pol Tirni
Qanot hakamlari: Konstantin Xatcidakis, Nil Devis.
To'rtinchi hakam: Robert Jons.
Bosh sahifaga
222