Asosan o'ng qanot himoyasida xarakat qilgan futbolchi 26ta uchrashuvning barchasida ishtirok etish bilan birga o'z aktiviga 4ta gol yozdirib qo'yishga ham erishdi.
Yaqinda uning “Metallurg” bilan shartnomasi yakuniga etgandi. Ammo shunga qaramay Toshpo'latov bekobodliklarning o'quv-yig'in mashg'ulotlarida ishtirok etmoqda. Kuni-kecha Ixtiyor bilan suhbatlashib, bir qator savollar bilan murojaat qildik.
- Ixtiyor, yanvar oyi ham yakunlanib bormoqda. Jamoangizning yangi mavsumga tayyorgarlik jarayoni qanday ketmoqda?
- Menimcha tayyrgarlik murabbiylarimiz ishlab chiqqan reja asosida ketmoqda. Toshkentda yig'in olib boryapmiz. Mashg'ulotlarda astoydil ter to'kyapmiz. Darvoqe, fevralda xorijga chiqishimiz ham mumkin.
- Andrey SHipilov bilan bir mavsum to'liq ishladingiz. Uning insoniylik va murabbiylar xislatlari sizda qanday taassurot qoldirdi?
- Andrey Sergeevich bo'yicha yaxshi fikrdaman albatta. Murabbiyimiz qo'l ostidagi futbolchilar bilan gohida xazillashib turishni ham biladi. Maydonda, ish jarayonida qattiq murabbiy sifatida gavdalanadi. Aslida ham murabbiy shunday bo'lish kerak deb o'ylayman.
-“ Metallurg”ga qadar “Mashal”, “So'g'diyona” va “Dinamo” singari jamoalarda o'ynagansiz. Aytingchi Bekobodda o'ynash sizga yoqyaptimi?
- Har bir jamoani o'z o'yin uslubi bor. Qaysi klubga borsam ham murabbiylar meni boshqa-boshqa chiziqlarda o'ynatmoqda. To'g'risi, bu narsa o'zimga ham yoqmoqda. CHunki rang baranglik bor. Bir xil narsaga o'rganib qolmaslik kerak deb hisoblayman.
- Bu yil Metallurgni bir qator o'yinchilar tark etdi. Sizningchi bu jamoa uchun katta yo'qotishmi yoki...?
- Bu savolingizga tayinli fikr bildirishim qiyin. Mavsum davomida barchasiga oydinlik kiritamiz. Lekin shuni aytishim mumkinki, biz bir oiladek bo'lib qolgandik.
- Siz bilan o'tgan yili suhbatlashganimizda, “Metallurg” bilan bir yilga mo'ljallangan shartnoma tuzdik degandingiz. Bu yil kelishuv muddatini yana uzaytirdingizmi?
- Ha shunday. Murabbiyimiz bu yil ham jamoada qolishimni xohladi. O'zimga ham taklif maqul keldi va rozilik berdim.
- “Metallurg” o'tgan yili 7-o'rinni egalladi. Buni jamoadagilar qanday qabul qildi?
- Jamoada yaxshi saviyadagi o'yinchilar yig'ilgan. To'g'risi, bundan-da yuqori o'rinlarni olishimiz mumkin edi. Lekin o'zimizning xatolarimiz evaziga yakunda shunday bo'lib qoldi. To'g'risi, yigitlar bundan xafa bo'ldik. Lekin ilojimiz qancha? Boriga shukur qilish bilan cheklandik.
- 2020 yilgi Superliga o'yinlarining barchasida ishtirok etish bilan bir qatorda raqiblar darvozasiga 4 marotaba to'p kiritdingiz. SHaxsiy ko'rsatkichlaringizdan qoniqish xosil qilgan bo'lsangiz kerak?
- Ha, yashirmayman qanot himoyachisi sifatida o'ynab 4ta gol urish bu men uchun yoqimli xolat bo'ldi. O'yinimga keladigan bo'lsak, 50x50 deyishim mumkin. Sababi qaysidir o'yinda qoniqarli darajada xarakat qilgan bo'lsam, bazida esa buning aksi bo'ldi. Lekin oxirgi ikki yildan beri bir xil ko'rsatkich qayd etib kelyapman ekan. Yani raqiblar darvozasiga umumiy hisobda 4tadan gol uryapman.
- Agar tanlash imkoni sizga berilsa, qaysi futbolchini “Metallurg”ga taklif etgan bo'lardingiz?
- Biror bir futbolchini alohida ajratib ko'rsatishim qiyin. SHuning uchun jamoani saqlab qolishsa shuning o'zi men uchun qoniqarli bo'lardi.
- Tarkibga yangi kelib qo'shilgan futbolchilar xaqida nima deysiz?
- Murabbiylarimiz bir qator yangi o'yinchilarni jamoaga talif etgan. Xususan, Ivan Nagaev SHahzod Nurmatov, Nikita Pavlenko, Damir Temirov hamda bir qator yosh futbolchilar hozirda biz bilan birga shug'ullanmoqda. Yangi futbolchilarning jamoaga qay darajada moslashib ketishini vaqt ko'rsatadi. Murabbiy ularga ishonib, taklif etdimi demak biz ham ularni qo'llab-quvvatlashimiz kerak va shundagina bir oila bo'lamiz.
Bosh sahifaga
379