Bugun 23 yoshli futbolchi bilan bog'lanib, o'zimizni qiziqtirgan bazi savollarga javob oldik.
— "Dinamo" quyi ligaga tushib ketdi. Bu muvaffaqiyatsizlikning sababi nimada? Jamoa Superliga darajasida kuchaytirilmaganmidi?
— O'ylashimcha, Predrag Roganning ketkazilishi katta xato bo'ldi. Uning qo'l ostida asta-sekin o'z o'yinimizni topib borayotgandik. Yutqazilgan o'yinlarga qarasangiz, aksarida oxirgi daqiqalarda o'tkazilgan gol evaziga imkoniyatni boy berganmiz.
— Samarqand klubini asosiy himoyachilaridan biri bo'ldiz. 1-davradan keyin murabbiy almashdi. Ammo bu natijalarda sezilmadi. Karlenovich jamoa ichida nimadirlarni o'zgartira oldimi?
— Birinchi javobimning mantiqiy davomini keltiraman. Istalgan murabbiyga 1-2 yil vaqt berilishi kerak. "Dinamo"dagi murabbiylar har 3 oyda almashdi. Fursatdan foydalanib Rogan, SHipilov va Abramovga minnatdorchilik bildiramoqchiman.
— Namanganga o'tish qanday bo'ldi? Taklif kimdan chiqdi?
— Samvel Vyacheslavovich meni o'tgan yil ham o'z jamoalarida ko'rishni xohlagandilar. Lekin u paytda "Dinamo" bilan kelishishga ulgurgandim. Mana, bu yilga nasib qilgan ekan. "Navbahor" futbolchisiga aylandim.
— "Navbahor"da juda kuchli tarkib bor. U erda zaxirada qolib ketishdan qo'rqmaysizmi?
— Ko'z peshonada borini ko'radi. Namanganga futbolchi sifatida o'sish maqsadida keldim. Raqobatdan qo'rqsam, kelmas edim.
— 2023 yil uchun oldizga qo'ygan asosiy maqsadiz qanday?
— "Navbahor"ning muvaffaqiyatlariga o'z hissamni qo'shish. Xudo xohlasa, Namangan xalqiga uzoq kutilgan chempionlikni tuhfa qilamiz...
Malumot uchun, Yo'ldoshev 2022 yilgi mavsumda 28 rasmiy uchrashuvda maydonga chiqib, 1 gol, 2ta golli uzatmaga mualliflik qildi.
Faxriddin suhbatlashdi
Bosh sahifaga
259