Oybek Usmonxo'jaev: "Andijon" chempionatda raqiblariga muammolar tug'dira oladi"

- Ushbu o'rtoqlik uchrashuvi “Andijon” uchun ham, “Paxtakor” U-21 uchun ham zarur edi. Bosh murabbiy sifatida o'yindan qanday xulosa chiqardingiz?

- Qanday xulosa chiqarishim mumkin? Avvalo, aytishim kerakki, “Andijon” klubi Superligaga chiqdi va ularga omad tilayman. Bu uchrashuv orqali shogirdlarimizni keyinchalik nima qila olishlari mumkinligini ko'rib oldik. Ayniqsa, katta futbolchilar orasida o'zimizning yigitlarning imkoniyatlarini chamalab oldik. Bizga shunisi kerak edi. Qaysi bola bizda o'ynay oladi, qaysi bola asosiy tarkibga o'tadi? Hammasini ko'rib chiqamiz.

- “Andijon” ko'rsatgan o'yin borasida nima degan bo'lardingiz?

- Ko'rinib turibdiki, ularda katta “nagruzka” bo'lgan. “Andijon”ni o'z rejasi bor. Tarkibdagi futbolchilari tajribali. O'ynaydigan yigitlar. Bizga dars berishdi.

- Superligadagi imkoniyatini qanday baholaysiz?

- Biror nima deya olmayman. Yaxshi murabbiy bor va jamoani yaxshi tayyorlay oladi. Qaerda ishlagan bo'lsa ham yaxshi taassurot qoldirgan. Menimcha, “Andijon” chempionatda raqiblariga muammolar tug'dira oladi.