Aleksandr Xomyakov: "Birinchi o'yin qanday bo'lishi mumkin?"

“Birinchi o'yin qanday bo'lishi mumkin? SHu hafta shug'ullanish uchun ob-havo noqulay bo'ldi. O'yinchilarning imkoniyatlarini o'rgandik. Lekin yomon bo'lmadi. O'yindan qoniqdim. Yangi futbolchilarni ko'rib oldik. SHuningdek, yoshlarning ham imkoniyatlarini ko'rdik. Reja bo'yicha ishlashda davom etamiz.

Maydonning holati yaxshi. Asosiysi, tabiiy. Yana aytib o'taman, kutilmagan qor tufayli asosan yugurish bilan shug'ullandik. SHuning uchun menimcha, bu normal holat bo'ldi.

Asosiy vazifa maydonni va imkoniyatlarni his qilish edi. SHu sababli yigitlarga 30 daqiqadan vaqt berdik. Yoshlar ham harakat qilishyapti. Bu yil hisobidan dastlabki o'yinimiz edi va ularni kuzatishda davom etamiz. Reja bo'yicha jamoaning asosiy tarkibi va zaxira tarkibini shakllantiryapmiz, o'rganyapmiz. Yangi qo'shilganlarni hammasi yaxshi ishlashyapti”, - dedi Xomyakov.