Anelli Italiya klubidagi xayrlashuv nutqida Evropa Superligasiga ishonishini yana bir marta takidladi. U 2021 yilda ESLni shakllantirish bo'yicha rejalarning bosh memorlaridan biri edi. 47 yoshli mutaxassis va "Yuve" rahbariyatining boshqa azolari noyabr oyida klub transferlari bo'yicha tekshiruv o'tkazilayotgan paytda ommaviy istefoga chiqqan edi.
"Evropa futboliga yangi tizim kerak. Aks holda, bu bir necha yil ichida Evropa futbolining barcha istedodlarini o'ziga jalb qiladigan va boshqa ligalarni butunlay chetga surib qo'yadigan yagona dominant ligada pasayish xavfi bor", – dedi Anelli.
Evropa Superligasi rejasi 2021 yilning aprel oyida 12 ta klub ittifoqi tomonidan elon qilingan, biroq muxlislarning keskin etirozlari va boshqaruv organlarining qarshiliklari tufayli 9 ta klub tark etganidan keyin 72 soat ichida barbod bo'ldi.
"Yuventus", "Real Madrid" va "Barselona" ESLdan to'liq voz kechmadi, UEFA va FIFA uni yaratishga to'sqinlik qilib, Evropa Ittifoqining musobaqalar bo'yicha qonuni buzilganini davo qildi.
Anelli "Yuventus" aksiyadorlar yig'ilishida so'zga chiqdi, unda yangi direktorlar kengashi tasdiqlandi, Anelli o'rniga Janluka Ferrero rais etib tayinlandi.
Italiya grandi Anellining 13 yillik boshqaruvi davomida ketma-ket to'qqiz marta A Seriya chempionligini qo'lga kiritdi, biroq o'tgan mavsumni to'rtinchi o'rinda yakunladi va 254 million evro zarar ko'rdi. Bu yo'qotish Italiya rekordi edi.
Bosh sahifaga
307