"Avvalo, shu narsani aytib o'tishim kerak, biz bu yil hisobidan tabiiy maydondagi ikkinchi nazorat o'yinida qatnashdik. Kecha mazkur stadionga kelib, mashg'ulot o'tkazib ketgandik. Bekobodda esa asosan zalda shug'ullangandik hamda trenajyor zalida futbolchilarga yuklamalar berdik.
Umuman olganda, shogirdlarimning xatti-harakatidan qoniqish hosil qildim. Birinchi navbatda, maydonning holatidan kelib chiqqan holda o'yinni jarohatlarsiz yakunlab olganimiz yutug'imiz bo'ldi. Xudoyshukurning ikkinchi qavatda to'p uchun kurashda biroz lat eganini hisobga olmaganda, hammasi yaxshi.
Bevosita o'yinga keladigan bo'lsak, nazorat uchrashuvida natija muhim emas. Biz ikkita taymda turli tarkiblarni ko'rib oldik. Birinchi taymda asosiy jamoa o'zagi katta tashabbusga erishdi. Ikkinchi taymda esa yoshlarni hamda jamoa ko'rigiga kelgan yangi o'yinchilarni kuzatdik.
Bitta o'yin bilan yakuniy xulosa chiqarish qiyin. Kamida ikki hafta davomida tarkibga qo'shib olishimiz mumkin bo'lgan futbolchilarni sinovdan o'tkazamiz. Zero, ularga ham imkoniyatlarini namoyish etish uchun vaqt berishimiz lozim. Bir qator o'rtoqlik o'yinlari uchun sparring-raqiblar bilan kelishib qo'yganmiz. SHundan keyingina xulosa bildirish o'rinli, deb o'ylayman", – dedi ispaniyalik murabbiy.
- Maydon holati yomon. Bu jamoaga qiyinchilik tug'dirmayaptimi? Xorijiy yig'in masalasi ham so'roq ostida. Murabbiy bunday holatda jamoani ko'ngildagidek tayyorlay oladimi?
- Umuman olganda, O'zbekistonning barcha jamoalarida maydon sifatini qoniqarli darajada saqlash bo'yicha muammolar bor. Albatta, maydon sifatini har doim yaxshi holatda ushlash uchun etarlicha texnik xodimlar bo'lishi lozim. Xorijiy yig'inga keladigan bo'lsak, hozircha klub bizga taqdim etgan imkoniyatlardan maksimal darajada foydalanishdan boshqa ilojimiz yo'q.
Bosh sahifaga
484